វណ្ណដា និង ជី ដេវីត ត្រូវគេបញ្ចេញមតិវែកញែកជាថ្មីពីរឿង «កាំ.ភ្លើងផ្សែង»

តារាចម្រៀងរ៉េប វណ្ណដា ត្រូវបានអ្នកលេងបណ្តាញសង្គមទិកតុកមួយចំនួនចោ.ទប្រកាន់ ថាលោក Copy ស្ទាយ៍របស់តារាចម្រៀង ជី ដេវីត ។ ការលើកឡើងបែបនេះបន្ទាប់ពី វណ្ណដា បានប្រើកាំភ្លើងផ្សែងក្នុងការប្រគំតន្រ្តីនាពេលថ្មីៗនេះ។ ទោះយ៉ាងណា ក៏មានអ្នកលេងបណ្តាញសង្គមថាស្ទាយ៍នេះមានចុះកម្មសិទ្ធិបញ្ញាឬយ៉ាងណាបានថា វណ្ណដា Copy។

កាលពីយប់ថ្ងៃទី១៤ មិថុនា តារារ៉េប វណ្ណដា និងសិល្បករសិល្បការិនីមួយចំនួនទៀត មានការប្រគំតន្រ្តី សាលមហោស្រពកោះពេជ្រ ដោយលោកបានលើកយកបទចម្រៀង ល្បីៗ ជាច្រើនបទរបស់ខ្លួនមកធ្វើការសម្តែង។ ជាមួយនឹងការផ្តល់ភាពសប្បាយរីករាយ នេះខាងផលិតកម្មរបស់ វណ្ណដា ក៏បានចែករំលែកវីដេអូខ្លីៗនៅលើបណ្តាញសង្គមទិកតុក ហើយមួយក្នុងចំណោមនោះគឺគេបានឃើញ វណ្ណដា បានប្រើកាំភ្លើងផ្សែង។ អាចនិយាយ បានថានេះជាទិដ្ឋភាព មួយដែលអ្នកគាំទ្រទើបតែបានឃើញ វណ្ណដា បាញ់កាំភ្លើងផ្សែង។

ទោះយ៉ាងណា វីដេអូដែល វណ្ណដា បាញ់កាំភ្លើងផ្សែងនេះត្រូវបានអ្នកលេងបណ្តាញសង្គម ទិកតុកបញ្ចេញមតិថាលោក Copy ស្ទាយ៍របស់តារាចម្រៀង ជី ដេវីត។ ពួកគេបានខម្មិនថា «ស្តាយនិងCopy GD សោះ, ចេះ copy ដែរ?»។ ជាមួយនឹងការបញ្ចេញមតិថា វណ្ណដា Copy ជី ដេវីត នេះអ្នកផ្សេងក៏បានបញ្ចេញមតិប្រឆាំងទៅវិញដែរថា ការបាញ់កាំភ្លើងផ្សែងនេះចុះកម្មស្និទ្ធបញ្ញាមែនបានជាថា វណ្ណដា Copy។

គួរឱ្យដឹងថា វាសឹងតែក្លាយទៅជារឿងធម្មតាទៅហើយរវាងអ្នកគាំទ្រមួយចំនួនរបស់ តារាចម្រៀង ទាំងពីរដែលមានការបញ្ចេញមតិវែកញែកវាយបកគ្នាទៅវិញទៅមក៕