ប្រទេសទីម័រឡេស្តេ នឹងត្រូវបញ្ចូលជាសមាជិកពេញសិទ្ធិ នៅក្នុងកិច្ចប្រជុំកំពូលអាស៊ានលើកទី៤៧ នៅខែតុលា ឆ្នាំ២០២៥ ខាងមុខនេះ។
បើតាម រដ្ឋមន្រ្តីការបរទេសម៉ាឡេសលោក Mohamad Hasan ថ្លែងក្នុងនាមជាម្ចាស់ផ្ទះអាស៊ានប្តូរវេន បានលើកឡើងថា៖”ប្រទេសទីម័រឡេស្តេ សម្រេចបានវឌ្ឍនភាពយ៉ាងល្អប្រសើរ ក្នុងការអនុវត្តផែនការដើម្បីឱ្យខ្លួនអាចចូលរួមជាមួយអាស៊ាន”។.png)
ទីម័រ បានស្នើសុំចូលជាសមាជិកអាស៊ានចំនួន២លើក ពោលនៅឆ្នាំ២០១១ និង២០១៧ ក៏ប៉ុន្តែសុទ្ធសឹងតែត្រូវចានចោល ពីប្រទេសជាសមាជិក ដោយយល់ឃើញថា ប្រទេសនេះមានកង្វះធនធានមនុស្ស និងបញ្ហាសេដ្ឋកិច្ច។
គួរបញ្ជាក់ថា ប្រទេសទីម័រឡេស្តេ ទើបតែទទួលបានឯករាជ្យកាលពីឆ្នាំ២០០២ប៉ុណ្ណោះ ក្រោយពីឥណ្ឌូនេសុីដាក់អាណានិគមចន្លោះពីឆ្នាំ១៩៧៥ ដល់ឆ្នាំ១៩៩៩៕
