មានការព្យាករណ៍អំពីគ្រោះរញ្ជួយដីនៅក្នុងបណ្ដារប្រទេសមួយចំនួនក្នុងតំបន់អាស៊ីថាអាចមានការរញ្ជួយមធ្យម និងខ្លាំង ហើយក្នុងនោះក៏មានការលើកឡើងថាប្រទេសកម្ពុជាក៏អាចនឹងទទួលបានឥទ្ធិពលពីការរញ្ជួយនោះខ្លះៗផងដែរ។.jpg)
បើយោងតាមផេក Earthquake News Everyday ដែលតែងធ្វើការជូនដំណឹងអំពីគ្រោះរញ្ជួយដីកន្លងមក បានឲ្យដឹងថា ការព្យាករណ៍កាលពីវេលាម៉ោង 4:45នាទីរសៀល (ម៉ោងនៅឥណ្ឌូនេស៊ី,ហ្វីលីពីន) ថ្ងៃទី03 ខែឧសភា បានរកឃើញថានៅប៉ុន្មានថ្ងៃបន្ទាប់នឹងកើតមាននូវការរញ្ជួយដីចាប់ពីកម្រិតមធ្យម ដល់កម្រិតខ្លាំង។ ហើយគេបានកំណត់ចំណុចក្រហមដែលនឹងទទួលរងខ្លាំងជាងគេរួមមានប្រទេសជប៉ុន ឥណ្ឌូណេស៊ី និងហ្វីលីពីន។
.jpg)
រញ្ជួយដីនោះអាចនឹងកើតមានក្នុងកម្រិតខ្លាំង (6.5 ~ 7.8) អាចមានការរញ្ជួយនៅក្នុងសមុទ្រជប៉ុន មហាសមុទ្រឥណ្ឌា និង ដែលនៅជិតជាងគេបំផុតគឺ ប្រទេសឥណ្ឌូនេស៊ី ហ្វីលីពីន ជប៉ុន តៃវ៉ាន់ សៃប៉ាន ហ្គាំ រីឯការរញ្ជួយកម្រិតមធ្យមអាចនឹងមាននៅប្រទេសថៃ ឡាវ កម្ពុជា វៀតណាម ម៉ាឡេស៊ី ដែលនៅក្នុងប្រទេសទាំងនេះនឹងអាចមានអារម្មណ៍ដឹងពីការរញ្ជួយ នៅក្នុងរយៈពេល 4-12 ម៉ោង ឬ 18ថ្ងៃបន្ទាប់ ដែលគិតចាប់ពី ថ្ងៃទី03 ខែឧសភា ឆ្នាំ 2025 តទៅ។ ការរញ្ជួយដីខ្លាំងបំផុតគឺប្រហែល 7.8 mw (magnitude) អាចត្រូវបានគេដឹងនៅក្នុងតំបន់ដែលបានរៀបរាប់ដូចខាងលើ។
លើសពីនេះ ប្រសិនបើមានការរញ្ជួយដីដ៏ធំបែបនេះ នោះវាក៏អាចនឹងនាំមកនូវរលកយក្សស៊ូណាមិមកជាមួយនៅក្នុងតំបន់ទាំងនេះផងដែរ។ ដូច្នេះសូមប្រជាជនទាំងអស់មានការប្រុងប្រយត្ន័ និងរក្សាចម្ងាយដោយសុវត្ថិភាព ជាពិសេសសម្រាប់អ្នកដែលរស់នៅក្នុងតំបន់ដែលនៅជិតសមុទ្រ និងត្រៀមអនុវត្តវិធីការពារគ្រោះ..ថ្នាក់នានាតាមការណែនាំនៅពេលកើតមានការរញ្ជួយដីផងដែរ។
យ៉ាងណាមិញ ការព្យាករណ៍ខាងលើគឺមិនទាន់មានការបញ្ជាក់នៅឡើយទេ ព្រោះគ្រប់ការរញ្ជួយដីមិនអាចដឹងមុនបានដោយជាក់លាក់ឡើយ។ ចំពោះអ្វីដែលបានលើកឡើងនេះ ក៏អាចនឹងអាចកើតឡើង ឬមិនអាចកើតឡើងបាន ព្រោះវាជាលទ្ធផលនៃការស្រាវជ្រាវ និងការសង្កេតរបស់អ្នកជំនាញតាមរយៈដានបន្ទះនៃផែនដី៕
