្ចាស់ពាន Cambodian Idol រដូវកាលទី៤ លីម តិចម៉េង បានចែករំលែកបទពិសោធន៍របស់ខ្លួនមានភាពតស៊ូមិនខ្មាសអ្នកណាទទួលបានការសើចចំអកពីអ្នកមួយចំនួននៅពេលដែលលោកវេចកន្ទេល វេចបាយ ងូតទឹកនៅបន្ទប់ទឹកក្រុមហ៊ុនទៅគេងរង់ចាំលេខរៀងរបស់ខ្លួនក្នុងអំឡុងពេលប្រកួតកាលពីឆ្នាំ២០២២។.png)
ជាម្ចាស់ពានមួយរូបដែលទទួលបានការស្រលាញ់អាណិតពីទស្សនិកជន លីម តិចម៉េង បានធ្វើឱ្យអ្នកគាំទ្រជាច្រើនភ្ញាក់ផ្អើលនៅពេលតារាចម្រៀងរូបនេះបានបង្ហាញការពិតមួយចំនួនអំឡុងពេលប្រកួតប្រជែងក្នុងកម្មវិធី Cambodian Idol រដូវកាលទី៤។ តាមរយៈវីដេអូដែលបានចែករំលែកនៅលើបណ្តាញសង្គម តិចម៉េង បាននិយាយថា ខ្លួនបានដឹងមុនបានវេចកន្ទេល ហើយវេចបាយពងទាប្រៃសាច់ជ្រូកចៀនទៅ។
ខណៈមានបេក្ខជនច្រើនចូលរួមហើយដឹងថាមនុស្សម្នាក់ចាយពេលប៉ុន្មាននៅក្នុងការប្រកួតចឹងទម្រាំដល់ឈ្មោះខ្លួនឯងដែលមានការចូលរួមរាប់ពាន់នាក់ តិចម៉េង បាននិយាយថាគឺបានវេចកន្ទេលទៅគេងគន្លៀតបេក្ខភាពចូលរួមហើយទទួលបានការសើចចំអកក្នុងការដែលធ្វើបែបនេះហើយលោកមិនខ្មាសគេទេ។ តារាចម្រៀងក្នុងទ្រនំរស្មីហង្សមាសរូបនេះបាននិយាយថាលោកដេកឱ្យគេសើចហើយបន្ទាប់ពីដេកហើយគឺបានហូបបាយដែលខ្ចប់មកនៅលើកន្ទេលនឹងទៀតធ្វើឱ្យគេសើចបន្ថែមព្រោះមើលទៅហាក់បីដូចជាកម្សត់ពេក ពិបាកពេក។
ម្ចាស់បទ «គេភ្លេចអស់ហើយ» បានបន្តទៀតថា ទោះបីជាគេគិតបែបណាក្នុងចិត្តលោកគិតតែម្យ៉ាងហូបដើម្បីមានកម្លាំងស្រែក មានកម្លាំងច្រៀង ហូបឆ្អែតគេងឆ្អែត នៅមិនទាន់ស្រឡះក៏ទៅងូតទឹកនៅក្នុងបន្ទប់ទឹកក្រុមហ៊ុនឱ្យស្វាងហើយរឿងនេះ តិចម៉េង បានសួរក្រុមការងារធ្វើការនៅហង្សមាសមិនមានបេក្ខជនណាហ៊ានធ្វើដូចឡើយដោយសារតែការខ្មាសអៀន។
តារាចម្រៀង លីម តិចម៉េង បានបញ្ជាក់ដែរថាការជម្នះភាពខ្មាសអៀនលោកក៏ទទួលបានលទ្ធផលទោះជាលោកច្រៀងនៅម៉ោងប៉ុន្មានក៏លោកស្រែកបានទោះបីជាឱ្យលោករង់ចាំប៉ុន្មានម៉ោងក៏អាចច្រៀងបាន។ ការតស៊ូរបស់ខ្លួនដែលមានការសើចចំអកចំពោះការវេចកន្ទេល វេចបាយទៅហូប ងូតទឹកនៅក្រុមហ៊ុន តិចម៉េង បន្ថែមទៀតថាដល់វគ្គពាក់កណ្តាលផ្តាច់ព្រ័ត្រ ទើបលែងមានអ្នកសើចលោក សើចលែងចេញ រហូតដល់៤នាក់ចុងក្រោយ៕
