“ព្រះនារាយណ៍ផ្ទំ ” បដិមាធំបំផុតមិនធ្លាប់ឃើញនៅឧទ្យានអង្គរ

ថ្មីៗនេះ កម្ពុជាបាននាំយក បដិមាព្រះនារាយណ៍ផ្ទំ ទៅប្រទេសបារាំង ដើម្បីធ្វើការសិក្សា និងជួសជុល មុននឹងត្រូវដាក់តាំងពិព័រណ៍នៅឆ្នាំ២០២៥នេះ។

បដិមានេះ ត្រូវបានប្រទះឃើញនៅប្រាសាទមេបុណ្យខាងលិច ដែលជាបដិមាធំបំផុតមិនធ្លាប់ប្រទះឃើញនៅឧទ្យានអង្គរ ។

បដិមាព្រះនារាយណ៍ផ្ទំ ធ្វើឡើងពីសំរឹទ្ធនេះ គឺជារតនវត្ថុនៃសារមន្ទីរជាតិកម្ពុជា ហើយគឺជានិមិត្តរូបនៃកិច្ចសហប្រតិបត្តិការពិសេសរវាងបារាំង និងកម្ពុជារយៈពេលជាច្រើនឆ្នាំមកហើយដើម្បីស្តារ និងជួសជុលប្រាសាទមេបុណ្យខាងលិចដែលស្ថិតនៅក្នុងឧទ្យានបុរាណវិទ្យាអង្គរ។

បើតាមការសិក្សារបស់ក្រសួងវប្បធម៌ បានឱ្យដឹងថា៖” បដិមាព្រះនារាយណ៍ផ្ទំនេះ មានអាយុកាលប្រមាណជា១ពាន់ឆ្នាំហើយ ដោយបច្ចុប្បន្នក្រុមជំនាញបាននឹងកំពុងសាកល្បងផ្គុំបំណែកទាំង៣៩ដែលបានដាច់ចេញពីដងខ្លួន ដើម្បីដាក់មកង្គ្រប់វិញ”។

គួរបញ្ជាក់ថា ក្រោយការជួសជុល បដិមាព្រះនារាយណ៍ផ្ទំ នឹងត្រូវដាក់តាំងនៅប្រទេសបារាំងក្នុងសារមន្ទីរហ្គីមេ មុននឹងបញ្ជូនទៅដាក់តាំងនៅប្រទេសអាមេរិកចំនួន៣ទីតាំងបន្ថែមទៀត៕