កម្ពុជា ក្លាយជាប្រទេសកាន់ពុទ្ធសាសនាដំបូងគេលើលោក ដែលបកប្រែចប់គម្ពីរព្រះត្រៃបិដក

គម្ពីរព្រះត្រៃបិដក គឺជាឃ្លាំងផ្ទុកនូវពុទ្ធវចនៈរបស់ព្រះពុទ្ធ ដែលទ្រង់ទេសនា ទូន្មាន ប្រៀនប្រដៅ អប់រំ រំឭកដាស់តឿន ចាប់តាំងពីទ្រង់បានត្រាស់ដឹងជាព្រះសម្ពោធិញ្ញាណរហូតដល់ព្រះអង្គបានចូលបរិនិព្វាន។

បច្ចុប្បន្ន ព្រះត្រៃបិដកខ្មែរត្រូវបានធ្វើការបកប្រែចប់មុនគេបង្ហោះក្នុងចំណោមប្រទេសកាន់ព្រះពុទ្ធសាសនាទាំងអស់ក្នុងលោក។

នៅប្រទេសកម្ពុជាគម្ពីរព្រះត្រៃបិដកត្រូវបានក្រុមជំនុំព្រះត្រៃបិដកខ្មែរធ្វើការបកប្រែពីភាសាបាលីមកជាភាសាខ្មែរ ដើម្បីជាមធ្សោបាយងាយស្រួលក្នុងការ មើល អាន សិក្សា ស្វែងយល់ រៀនសូត្រអំពីទ្រឹស្តីក្នុងព្រះពុទ្ធសាសនា។

គម្ពីរព្រះត្រៃបិដកខ្មែរ ត្រូវបានគុណក្រុមជំនុំព្រះត្រៃបិដក ចាប់ផ្តើមបកប្រែតាំងពីថ្ងៃទី១ មេសា ១៩៦៩ មកម៉្លេះ។

គួរបញ្ជាក់ថា ពុទ្ធសាសនបណ្ឌិត្យ បានបង្កើតគណៈកម្មការព្រះត្រៃបិដកនៅឆ្នាំ១៩២៩ ដោយមានព្រះសង្ឃរាជទាំងពីរគណៈជាប្រធាន និងមានសមាជិក ៤០ អង្គប្លាយ និងឧបាសក ដែលមានវិជ្ជាខ្ពង់ខ្ពស់ផ្នែកព្រះពុទ្ធសាសនា និងភាសាបាលី៕