ប្រធានាធិបតីចិនលោក ស៊ី ជីនពីង នឹងមកបំពេញទស្សនកិច្ចនៅបណ្តាប្រទេសតំបន់អាស៊ានចំនួន៣ នៅនៅខែមេសានេះ ក្នុងនោះក៏មានកម្ពុជាផងដែរ។
នៅក្នុងដំណើរទស្សនកិច្ចនេះ លោកស៊ី ជីនពីង នឹងទៅកាន់ប្រទេសវៀតណាម ដើម្បីពិភាក្សាភាពតានតឹង ជុំវិញបញ្ហាសមុទ្រចិនខាងត្បូង។.png)
បន្ទាប់មក លោកក៏បន្តទៅកាន់ប្រទេសម៉ាឡេសុី ដែលជាប្រធានប្តូរវេនអាស៊ាន មុននឹងធ្វើដំណើរទស្សនៈកិច្ចមកកាន់កម្ពុជា។.png)
ការបំពេញទស្សនកិច្ចរបស់លោកស៊ី ជីនពីង ត្រូវគេរំពឹងថានឹងផ្តល់ផលប្រយោជន៍ជាច្រើនដល់ប្រទេសកម្ពុជា ទាំងសេដ្ឋកិច្ច នយោបាយ និងការអភិវឌ្ឍសង្គមផងដែរ។.png)
តែយ៉ាងណាមិញ ក្នុងដំណើរទស្សនកិច្ចនេះ ភាគីកម្ពុជាមិនទាន់បញ្ចេញព័ត៌មានផ្លូវការនៅឡើយនោះទេ ខណៈសារព័ត៌មានធំៗនៅប្រទេសចិនចេញផ្សាយព្រោងព្រៀត។
គួរបញ្ជាក់ថា លើកចុងក្រោយ ដែលលោក ស៊ី ជីនពីង មកបំពេញទស្សនកិច្ចនៅកម្ពុជា គឺនៅឆ្នាំ២០១៦ តាមការអញ្ជើញរបស់ព្រះមហាក្សត្រខ្មែរ ព្រះបាទនរោត្តម សីហមុនី៕
