សល់តែប៉ុន្មានថ្ងៃទៀតទេ ចូលឆ្នាំចិនហើយ ដើម្បីកែលម្អជីវិតឱ្យជួបតែសំណាងល្អពេញមួយឆ្នាំ ជនជាតិចិន និងអ្នកដែលមានសែស្រឡាយចិនជឿថា ការដាក់តាំងដើមឈើទាំងនេះ នឹងនាំមកនូវទ្រព្យសម្បត្តិ ភាពរុងរឿង សេរីសួស្តី រួមទាំងសុភមង្គលចូលក្នុងផ្ទះ។ ដូច្នេះជារៀងរាល់ឆ្នាំ ពួកគេតែងតែទិញដើមឈើ ៥ ប្រភេទនេះដើម្បីដាក់តាំងនៅក្នុងផ្ទះនាថ្ងៃចូលឆ្នាំថ្មី។
១.ដើមផ្កាអង្គាសីល៖ អង្គាសីលជាប្រភេទឈើព្រៃភ្នំ និងជាឈើសួគ៌ តំណាងឱ្យវីរជន ភាពរីករាយ និងជោគជតារាសី។ អង្គាសីលមានផ្កាសម្បុរលឿងក្លិនក្រអូបស្រាល កាលណាផ្កានេះកាន់តែរីក កាន់តែល្អមានន័យថា លោកអ្នកនឹងមានទ្រពហូរច្រើន ហើយការដាក់តាំងផ្កានេះនឹងធ្វើឱ្យគ្រួសារអ្នកមានភាពរុងរឿងពេញមួយឆ្នាំ។

២.ដើមផ្កាស្បៃរឿង៖ ជាមួយពណ៌លឿងដ៏ភ្លឺ និងស្រស់ល្អ ផ្កាស្បៃរឿងតំណាងឱ្យទ្រព្យសម្បត្តិ និងភាពចម្រុងចម្រើន។ ការដាក់តាំងដើមផ្កាស្បៃរឿងនៅក្នុងផ្ទះ ជាពិសេសនៅពេលចូលឆ្នាំចិន នឹងនាំមកនូវភាពត្រជាក់ត្រជុំ ក៏ដូចជាភាពស្រស់បំព្រងពេញមួយឆ្នាំ។
៣.ដើមក្រូច៖ យោងតាមគោលការណ៍ហុងស៊ុយ ដើមក្រូចគឺជាដើមឈើមានសំណាងល្អ ប្រសិនបើដើមនេះមានផ្លែផ្កាកាន់តែច្រើន រួមជាមួយពណ៌លឿង ឬទឹកក្រូចភ្លឺចែងចាំង នោះគ្រួសារអ្នកនឹងកាន់តែសម្បូរសប្បាយ មានលុយកាក់មាសប្រាក់កាន់តែច្រើនឡើងៗ ផងដែរ។
៤.ដើមសេដា៖ ជនជាតិចិនជឿថា ការដាក់តាំងដើមសេដានៅក្នុងផ្ទះនាថ្ងៃចូលឆ្នាំថ្មី នឹងនាំមកនូវអាយុវែង សុខចម្រើន និងភាពស្មោះត្រង់។ ផ្លែសេដាជាផ្លែសម្រាប់បូជា ប្រកបដោយអត្ថន័យនៃតេជៈ ដូច្នេះការដាក់តាំងផ្លែសេដា មិនតម្រូវឱ្យញ៉ាំនោះទេ។
៥.ដើម Honeysuckle៖ ដើមឈើប្រភេទនេះមិនត្រូវការថែទាំច្រើនឡើយ ដោយវាតំណាងឱ្យសិទ្ធិអំណាច ភាពចេះអត់ធ្មត់ និងភាពធន់។ លើសពីនេះបើតាមក្បួនក្នុងហុងស៊ុយមានន័យថា នាំលុយ លាភ សំណាង ដល់សមាជិកក្រុមគ្រួសារ ជាពិសេសអាចបណ្តេញវិញ្ញាណអាក្រក់និងខ្យល់អាកាសអាក្រក់បានទៀតផង៕