មនុស្សប្រុសភាគច្រើនតែងតែប្រាថ្នាចង់បានរាងកាយមាំមួន ស្អាត សង្ហា និងសុខភាពល្អ ដើម្បីបង្កើនភាពទាក់ទាញ និងទំនុកចិត្តលើខ្លួនឯង។
ដូច្នេះហើយតើអ្នកណាខ្លះកំពុងស្វែងរកវិធីងាយស្រួលក្នុងការបង្កើត six-pack ដោយមិនចាំបាច់ធ្វើលំហាត់ប្រាណខ្លាំងពេក? តោះមកដឹងពីគន្លឹះសាមញ្ញ ៤ យ៉ាងដូចខាងក្រោមដើម្បីបានរាងស្អាត សង្ហា និងមាំមួន៖

១.ញ៉ាំអាហារប្រូតេអ៊ីន៖ ការជ្រើសរើសអាហារដែលមានប្រូតេអ៊ីន នឹងជួយក្នុងលក្ខខណ្ឌនៃការកសាងម៉ាសសាច់ដុំ ហើយថែមទាំងជួយឱ្យសាច់ដុំកាន់តែរឹងមាំ សម្រាប់យុវជនណាដែលចង់បាន six pack។ ហេតុនេះអ្នកគួរតែញ៉ាំអាហារប្រូតេអ៊ីនចំនួន ៥៦ មីលីក្រាមក្នុងមួយថ្ងៃទើបគ្រប់គ្រាន់ដើម្បីកសាងសាច់ដុំ ៦កង់។
២.ផឹកទឹកឱ្យបានគ្រប់គ្រាន់៖ ការផឹកទឹកឱ្យបានគ្រប់គ្រាន់ក៏ជាផ្នែកមួយដ៏សំខាន់ក្នុងការទទួលបានសាច់ដុំ ៦ កង់ ដូចនេះអ្នកគួរផឹកទឹកមួយលីត្រកន្លះ ឬពីរលីត្រក្នុងមួយថ្ងៃ ដើម្បីជួយឱ្យសាច់ដុំរឹងមាំ។
៣.សម្រាកឱ្យបានគ្រប់គ្រាន់៖ ការសម្រាកឱ្យបានគ្រប់គ្រាន់គឺជាឱកាសដ៏ល្អមួយសម្រាប់យុវវ័យដែលចង់បាន six pack ដូចនេះអ្នកគួរគេងយ៉ាងហោចណាស់ ៦-៨ ម៉ោងក្នុងមួយថ្ងៃ។
៤.ធ្វើលំហាត់ប្រាណ៖ ពិតណាស់ការមាន six pack សុទ្ធតែទាមទារឱ្យធ្វើលំហាត់ប្រាណជាប្រចាំ ជាពិសេសការធ្វើ cardio និងការហ្វឹកហាត់ទម្ងន់ ដែលលំហាត់ទាំងពីរនេះជួយពង្រឹងសាច់ដុំពោះឱ្យរឹងមាំ និងមានសុខភាពល្អ៕