ប្រតិភូខេត្តហ៊ូប៉ី នៃសាធារណរដ្ឋប្រជាមានិតចិន បានចូលជួបសម្តែងការគួសម និងពិភាក្សាការងារជាមួយលោក ឌី រ៉ាដូ អភិបាលរងខេត្ត តំណាងដ៏ខ្ពង់ខ្ពស់ឯកឧត្តម ប្រាក់ សោភ័ណ អភិបាល នៃគណៈអភិបាលខេត្តសៀមរាប។
តាមរយៈជំនួបពិភាក្សានេះ ប្រតិភូខេត្តហ៊ូប៉ី បានបង្ហាញបំណងចង់សិក្សា និងរុករកធនធានរ៉ែធម្មជាតិក្នុងខេត្តសៀមរាប ដោយលើកឡើងថាបឹងទន្លេសាបជាបឹងដ៏ធំរបស់កម្ពុជា លោកប្រាកដក្នុងចិត្តថានឹងមានធនធានរ៉ែធម្មជាតិជាក់ជាមិនខាន។
ក្រៅពីនេះ ភាគីចិនក៏មានបំណងសហការលើវិស័យ២បន្ថែមទៀត គឺការបណ្តុះបណ្តាលអ្នកជំនាញលើវិស័យទេចរណ៍ និងវិស័យកសិកម្ម នៅកម្ពុជា។
គួរបញ្ជាក់ផងដែរថា នាពេលបច្ចុប្បន្ននេះ ប្រតិភូខេត្តហ៊ូប៉ី មានកិច្ចសហប្រតិបត្តិការជាមួយខេត្តកំពត ដោយវិនិយោគលើរោងចក្រផលិតស៊ីម៉ងត៍៕.png)
