ប្រទេសកូរ៉េខាងត្បូង ៖ នៅតាមផ្សារទំនើបនានាតែងតែមានកន្ត្រក ឬរទេះរុញសម្រាប់ឱ្យអតិថិជនដាក់អីវ៉ាន់ផ្សេងៗ ហើយអតិថិជនត្រូវរុញរទេះទៅកាន់ចំណុចនានាដោយខ្លួនឯង ។ បញ្ហាលំបាកក្នុងការលើក ឬរុញអីវ៉ាន់ចុះឡើងក្នុងផ្សារទំនើបបានធ្វើឱ្យក្រុមអ្នកស្រាវជ្រាវកូរ៉េខាងត្បូងស្រាវជ្រាវបង្កើតរទេះដាក់អីវ៉ាន់ហោះ ដើម្បីជួយសម្រួលដល់អ្នកដើរផ្សារពុំចាំបាច់លំបាក គឺគ្រាន់តែបញ្ជាឱ្យវាធ្វើចលនាដោយស្វ័យប្រវត្តិ ។https://blogger.googleusercontent.com/img/b/R29vZ2xl/AVvXsEi6MCi6MPckibZVojNi-U4PeTkkoPmi5veL03n-cfN5Kk5p_0eZYIuDBiLS90dWIr5-drWqSfA9bQs7RfIxt-CqxZ9UyNBf837CvMVYDedfle3IDdNJvr0C0LkdpA0HjqZn8J0gHjb-IYGWk5UngH6h-jTaPnVO9CGGWGASlo3MnscvzXy0_oiCXDuGFoU4/s654/image_2024-10-09_16-02-53%20(2).png

អ្នកស្រាវជ្រាវមកពីសាកលវិទ្យាល័យវិទ្យាសាស្ត្រ និងបច្ចេកវិទ្យានៅទីក្រុងសេអ៊ូល (Seoul National University of Science and Technology) ប្រទេសកូរ៉េខាងត្បូងបានស្រាវជ្រាវបង្កើតរទេះហោះសម្រាប់ដាក់អីវ៉ាន់ក្នុងផ្សារទំនើប តាមរយៈការប្រើប្រាស់បច្ចេកវិទ្យាទំនើប ។ រទេះនេះមានលក្ខណៈស្រដៀងនឹងរថយន្តហោះ ឬដ្រូន ដើម្បីឱ្យអតិថិជនងាយស្រួលដើរទិញអីវ៉ាន់ នាថ្ងៃអនាគត ។https://blogger.googleusercontent.com/img/b/R29vZ2xl/AVvXsEgs1XOo0veg4sO1prxXgZDhmJ-rS3h4sbIU2NR99KOub67uSasHo1fLciYuzkoC29BmnqMRkcI2dza5X3ulHnYaSATutLp8zKxY_30s4cDsxgHbEbtG_E8kv_7wQEusHgIUqVds1hJqwz1LkRkazJ32ppJKIXuiHwS5mdNV-rOEQRsu4Rz-diS_f9ZG68fZ/s1200/image_2024-10-09_16-02-53.png

រទេះដាក់អីវ៉ាន់អាចហោះបាននេះមានឈ្មោះថា «Palletrone» ហើយតាមការសាកល្បងរបស់ក្រុមអ្នកស្រាវជ្រាវបញ្ជាក់ថា រទេះនេះអាចដាក់អីវ៉ាន់មិនលើសពី៣គីឡូក្រាម ។ ប៉ុន្តែភាពជោគជ័យរបស់ពួកគេ គឺវាមានរូបរាងដូចរទេះដាក់អីវ៉ាន់ក្នុងផ្សារទំនើបទូទៅដែរ ដោយអ្នកប្រើប្រាស់ត្រូវឈ្វេងយល់ពីរូបវិទ្យា, វិស្វកម្ម និងការគណនាកម្រិតខ្ពស់ ។ ក្រៅពីនេះ អតិថិជនអាចបញ្ជាឱ្យវាធ្វើចលនាចុះ-ឡើងតាមតម្រូវការ ដោយមានដៃចាប់សម្រាប់បញ្ជាទិសដៅ ។https://blogger.googleusercontent.com/img/b/R29vZ2xl/AVvXsEh6zvIiFJNGjjrAfEqjRWAJlbXqCzD4jJHcFLhWWHsR8SL-Iy3xKGdM4vVpC-bOLBG67yu_rxTDHcGIxsXz_bLHHMfMnrqc4CA6bKzBA7N-UHnOW81J8BuSGpzRtLY__z2yN-w4QxYpjI9Tq6csH7fVijhUTrBAdLRQe4iiYHAcOKFUxZuAs6ZYZ9dsCJCf/s1200/image_2024-10-09_16-02-54.png

អតិថិជនអាចគ្រប់គ្រងល្បឿន និងការបម្លាស់ទីរបស់រទេះដាក់អីវ៉ាន់ទៅកាន់ចំណុចគោលដៅ ដូចជា ៖ ការរុញ និងការបត់ឆ្វេង-ស្តាំ ។ លើសពីនេះ ពេលឡើង-ចុះជណ្តើរ រទេះនេះនឹងមិនហោះខ្ពស់ជាងកម្ពស់អ្នកប្រើប្រាស់ ឬហោះផ្អៀងខ្លាំងធ្វើឱ្យធ្លាក់អីវ៉ាន់ទេ ។https://blogger.googleusercontent.com/img/b/R29vZ2xl/AVvXsEiQ6slKJFPHVuq9QFVc4kkgHln3XhbJYFukDFqWRDhdAzEgr6cJglLCJ8dsiHP9hnWb0093mb5Mn4nuNIIu7DYdPFPgU_RkLylnjFRxGOCFVr_BznMsLIvGvX_O0XYUjrMhLBlCyptNd5gkyRkJWq5UoENvYLuuDIoM7EXmurM6SS_XXWLRBS4i5eHNrvPY/s1280/image_2024-10-09_16-02-53%20(3).png

ការបង្កើតរទេះដាក់អីវ៉ាន់ Palletrone របស់ក្រុមអ្នកស្រាវជ្រាវកូរ៉េខាងត្បូងត្រូវបានផ្សព្វផ្សាយក្នុងទស្សនាវដ្តី IEEE Robotics And Automation Letters នាពេលកន្លងមក ។ ក្រុមអ្នកស្រាវជ្រាវបញ្ជាក់ថា អតិថិជននឹងអាចប្រើប្រាស់រទេះដាក់អីវ៉ាន់ហោះនាពេលឆាប់ៗ ហើយនៅដើមខែតុលា ឆ្នាំ២០២៤នេះ ពួកគេកំពុងរកវិធីឱ្យ Palletrone អាចដាក់អីវ៉ាន់លើស៣គីឡូក្រាម ៕