ជឿជាក់ប្រិយមិត្តមួយចំនួននឹងស្គាល់និរទ្ធជាមិនខានដែលលោកជាសិល្បករម្នាក់កំពុងទទួលបានការគាំទ្រពីទស្សនិកជន អតីតសមាជិកក្រុមប៉ូឡារិច គ្រូបង្វឹកកម្មវិធីរ៉េប និងមានកូនក្រុមជាម្ចាស់ពានដែលបានចេញបទចម្រៀងរួមគ្នាដំបូងផ្ទុះការគាំទ្រយ៉ាងខ្លាំង។ 
នរិទ្ធ មិនត្រឹមតែឆក់បេះដូងទស្សនិកជនតាមរយៈស្នាដៃសិល្បៈជាច្រើនប៉ុណ្ណោះទេ ប៉ុន្តែរូបរាងដ៏ស្រស់សង្ហារបស់លោកក៏ជាទីចាប់អារម្មណ៍របស់អ្នកគាំទ្រដូចគ្នា និងចង់ដឹងថាបេះដូងរបស់តារាប្រុសរូបនេះមានអ្នកថែឬនៅ?។ យ៉ាងណាថ្មីៗនេះនៅលើបណ្តាញសង្គមកំពុងតែចាប់អារម្មណ៍នារីស្រស់ស្អាតម្នាក់ទំនងជាគូស្នេហ៍របស់តារាចម្រៀងរូបនេះ។
ការសង្ស័យពីសំណាកអ្នកគាំទ្រដោយសារតែគេបានឃើញរូបភាពដែលអ្នកទាំងពីរបង្ហោះនៅលើបណ្តាញសង្គមរៀងៗខ្លួន គឺស្ថិតនៅទីតាំងតែមួយជាមួយគ្នាទោះបីជាមិនបានបង្ហាញរូបភាពគូក៏ដោយ។ រូបភាពទាំងការដើរកម្សាន្តនៅតាមបណ្តាខេត្តឬស្ថិតនៅក្នុងទីក្រុងគឺដូចគ្នាតែម្តង ហើយបើសិនជាការសង្ស័យរបស់ទស្សនិកជាការពិតគូស្នេហ៍មួយគូនេះគឺពិតជាផ្អែមល្អែមជាមួយគ្នាណាស់ដោយបានចំណាយពេលនៅជាមួយគ្នាញឹកញាប់។
អ្នកគាំទ្រក៏កត់សម្គាល់ថា នារីដែលសង្ស័យថាជាគូស្នេហ៍របស់ នរិទ្ធ គឺពិតជាស្រស់ស្អាតមើលទៅពិតជាស័ក្តិសមជាមួយគ្នាខ្លាំងប្រុសសង្ហាប៉ះនឹងស្រីស្អាត។ បើតាមការចែករំលែកនិងការវែកញែករបស់អ្នកគាំទ្រ នារីដ៏ស្រស់ស្អាតរូបនេះធ្លាប់បានបង្ហាញមុខនៅក្នុង MV «១ណា » ដែលបកស្រាយរួមជាមួយ យូហៃ ផងដែរ។
ទោះយ៉ាងណា នេះគ្រាន់តែជាការសង្ស័យរបស់អ្នកគាំទ្រប៉ុណ្ណោះដោយសារតែឃើញស្រីស្អាតរូបនេះនិងនរិទ្ធ មានសកម្មភាពស្រដៀងគ្នាស្ថិតនៅទីតាំងតែមួយឬអ្នកទាំងពីរកំពុងតែស្វែងយល់ចិត្តគ្នាសិនមុននឹងប្រកាសជាសាធារណៈនោះទេ។
ចាប់តាំងពីទម្លាក់បទ ១ណា ជាមួយកូនក្រុមជាម្ចាស់ពានភាពល្បីល្បាញរបស់ នរិទ្ធ កាន់តែខ្ពស់ត្រដែតជាមួយការទស្សនា២០លានដងក្នុងរយៈពេល៧ខែ រួមទាំងបានសហការជាមួយ វណ្ណដា ចេញបទចម្រៀង «ក្រមុំស្រុក» កាលពីចូលឆ្នាំខែនេះមានការស្តាប់ជាង១៤លានដងផងដែរ៕
