ថ្មីៗនេះ នៅលើបណ្តាញសង្គម Tik Tok មហាជនជាច្រើនហាក់មានការភ្ញាក់ផ្អើលយ៉ាងខ្លាំង ជាមួយនឹងរូបភាពមួយសន្លឹកដែលមានវត្តមានកូនស្រីរបស់លោកជំទាវទ្រី ដាណា គឺ ដាណា ភីន មានភាពស្និតស្នាលជាមួយក្មេងស្រីម្នាក់ ក៏បង្កឲ្យមានការជជែកវែកញែកព្រោងព្រាត។ 
យោងតាមការដាក់បង្ហោះនៅលើបណ្តាញសង្គម Tik Tok ដោយគណនី វ៉ាន់ លីហ្សា បានបង្កឲ្យមានការចាប់អារម្មណ៍ខ្លាំងក្នុងចំណោមយុវវ័យ ព្រោះបានបង្ហាញរូបភាពមួយសន្លឹកយ៉ាងមានភាពស្និតស្នាលជាមួយនឹងដាណា ភីន ព្រមជាមួយនឹង Caption និងបទចម្រៀងបែបស្វីតៗ ក៏បណ្តាលឲ្យមហាជនលាន់មាត់ថា ដូចការសង្ស័យមែនគ្រប់ៗគ្នា។
ដាណា ភីន ត្រូវបានគេស្គាល់ថាជាកូនស្រីច្បងនៅក្នុងគ្រួសាររបស់លោកជំទាវទ្រី ដាណា ដែលកាលពីពេលកន្លងទៅនេះ នាងក៏ទទួលបាននូវការកោតសរសើរព្រោងព្រាត ព្រោះតែជាក្មេងស្រីម្នាក់ ដែលពូកែរៀនសូត្ររហូតទទួលបានចំណាត់ថ្នាក់ល្អ មានសមត្ថភាពខ្ពស់ ក៏ដូចជាការប្រើប្រាស់ភាសាអង់គ្លេសបានយ៉ាងស្ទាត់ជំនាញផងដែរ។ បើទោះបីជាកើតក្នុងគ្រួសារជាមហាសេដ្ឋី ដាណា ភីន តែងតែបង្ហាញពីភាពសាមញ្ញរបស់ខ្លួន មិនដែលបង្អួតពីភាពស៊ីវិល័យនៅលើបណ្តាញសង្គមនោះឡើយ។ ជាធម្មតា នាងតែងតែស្ថិតនៅក្នុងឈុតសម្លៀកបំពាក់អាវយឺតធម្មតាៗ ព្រមជាមួយនឹងខោយ៉ាងសាមញ្ញ។
យ៉ាងណាមិញ បើក្រឡេកទៅកាន់រូបភាពដែលបានចែកចាយនោះវិញ គណនី វ៉ាន់ លីហ្សា ក៏បានគូសបញ្ជាក់ម្តងទៀតថា រូបភាពនោះគឺគ្រាន់តែជា Idol និង Fan តែប៉ុណ្ណោះ និងមិនមានអ្វីលើសពីនោះឡើយ សូមកុំឲ្យអ្នកលេងបណ្តាញសង្គមមានការយល់ច្រឡំអី៕
