នៅក្នុងកិច្ចប្រជុំត្រួតពិនិត្យវឌ្ឍនភាព និងកំណត់ទិសដៅការងារ ជាមួយក្រុមប្រឹក្សាភិបាល សិក្សាទីផ្សារ និងផ្សព្វផ្សាយទេសចរណ៍កម្ពុជា សម្តេចធិបតីហ៊ុនម៉ា ណែត បញ្ចេញកញ្ចប់ថវិកា៥០លានដុល្លារ លើការផ្សព្វផ្សាយ ដើម្បីទាក់ទាញភ្ញៀវទេសចរអន្តរជាតិ សម្រាប់ឆ្នាំ២០២៤ ២០២៥ ឱ្យបានកាន់តែច្រើន។
ថវិកានេះជាបដិភាគ របស់រដ្ឋាភិបាល ការចូលរូមពីវិស័យអាកាសចរណ៍ និងព្រលានយន្តហោះនានា។ សមាគមទីភ្នាក់ងារទេសចរណ៍កម្ពុជា (CATA)បានដើរតួនាទីមួយជំហ៊ានហើយ ដែលថ្នាក់ដឹកនាំ សមាគមនេះ បានចំណាយទាំងពេលវេលា ថវិកាផ្ទាល់ខ្លួនដើម្បីផ្សព្វផ្សាយ ទេសចរណ៍ពីកម្ពុជា ទៅកាន់ពិភពលោក។
ទីប្រឹក្សារបស់សមាគមទីភ្នាក់ងារទេសចរណ៍កម្ពុជា បានលើកឡើងថា៖” យើងត្រូវការបញ្ចុះតម្លៃសេវាកម្ម ការរឹតបន្តឹងការងារមួយចំនួន ការងារទាក់ទងនឹងទិដ្ឋាការ ដែលគូរលើកលែង។ បញ្ហាសណ្តាប់ធ្នាប់ អនាម័យ សវុត្ថិភាព យើងមិនគួរមើលរំលង ព្រោះវាជាភាពទាក់ទាញមួយ។ ដោយឡែក បញ្ហាតម្លៃសំបុត្រយន្តហោះមកកម្ពុជា ថ្លៃជាងគោលដៅដទៃទៀត ដោយសារយន្តហោះរបស់គេ មានភ្ញៀវជិះពេញៗ ប៉ុន្តែមកកាន់គោលដៅកម្ពុជា មានភ្ញៀវជិះចន្លោះពី ៥០ ទៅ ៧០% នៃកៅអីយន្តហោះសរុបប៉ុណ្ណោះ”៕
