ទឹកធ្លាក់ពាមសូហោះ ជាទឹកធ្លាក់ដ៏ស្រស់ស្អាតមួយ ស្ថិតនៅលើឧទ្យានជាតិភ្នំគូលេន ដែលមិនសូវមានអ្នកស្គាល់ និងមិនសូវមានអ្នកទៅដល់នោះទេ។
ទឹកធ្លាក់នេះ មានចម្ងាយប្រមាណជា៣គីឡូម៉ែត្រពីភូមិមួយនៅលើភ្នំគូលែន។ ការធ្វើដំណើរទៅកាន់ទឹកជ្រោះ ហាក់មានស្ថានភាពពិបាក ដោយរដូវនេះជារដូវវស្សាស្រាប់ កាន់តែធ្វើឱ្យផ្លូវធ្វើដំណើរមានការបែកភក់ជាខ្លាំង។

ដើម្បីឡើងទៅដល់ទឹកជ្រោះនោះ ភ្ញៀវទេសចរតម្រូវឱ្យទុកយានជំនិះនៅសហគមន៍ រួចបន្តដំណើរដោយថ្មើរជើងប្រមាណជា៣គីឡូម៉ែត្រ ទើបដល់ទឹកជ្រោះនេះ។
ពេលទៅដល់លោកអ្ននកនឹងទទួលបានអារម្មណ៍ស្រស់ស្រាយ អមជាមួយនឹងធម្មជាតិដ៏ស្រស់ត្រកាល ធ្វើឱ្យលោកអ្នកបាត់អស់នៅទុក្ខកង្វល់។
អ្វីដែលគួរឱ្យកត់សម្គាល់នោះ ទឹកធ្លាក់ពាមសូហោះ ជាទឹកធ្លាក់មួយមិនសូវមានអ្នកឮ ឬស្គាល់ច្បាស់ពីភូមិសាស្រ្តប៉ុន្មាននោះទេ ហេតុដូច្នេះប្រសិនបើភ្ញៀវទេសចរចង់ទៅកម្សាន្ត គួរណាស់តែសាកសួរព័ត៌មានពីប្រជាពលរដ្ឋនៅតំបន់នោះជាមុនសិន៕