ភ្នំខ្នងព្រះ ជាគោលដៅទេសចរណ៍បែបផ្សងព្រេងថ្មីលើទឹកដីខេត្តពោធិ៍សាត់ កំពុងតែទាក់ទាញភ្ញៀវទេសចរឱ្យចង់ដឹងចង់ស្គាល់ពីសក្កានុពល សម្រស់ដ៏ស្រស់ត្រកាលនៃតំបន់ទេសចរណ៍ធម្មជាតិ ដែលមានទេសភាពស្អាត មានព្រៃឈើតូចធំ ខៀវស្រងាត់អមដោយផ្កាព្រៃចម្រុះពណ៌ និងមានជីវៈចម្រុះជាច្រើន។
បើតាមប្រជាសហគមន៍តំបន់ភ្នំព្រះបានអោយដឹងថា ភ្នំព្រះគឺមកពីភ្នំដែលមានទីតាំងក្នុងដែនជម្រកសត្វព្រៃភ្នំសំកុស ភូមិសាស្រ្តឃុំថ្មដា ស្រុកវាលវែង ខេត្តពោធិ៍សាត់ ភ្នំនោះទៀតសោតគឺមានរាងដូចព្រះពុទ្ធនិព្វាន ដែលយើងអាចមើលឃើញតាមរូបភាពនៃភ្នំខាងក្រោមនេះ។
ព្រះសិរ=ក្បាល
ព្រះនាសា=ច្រមុះ
ព្រះឧ៌ស្ន=មាត់
ព្រះប្រឹស្តាង្គ=ខ្នង
សូមបញ្ជាក់ផងថា ភ្នំខ្នងព្រះ ស្ថិតនៅតាមតំបន់ភ្នំ ១៥០០ នៃឃុំអូរសោម ស្រុកវាលវែង ខេត្តពោធិ៍សាត់ភ្ញៀវទេសចរអាចធ្វើដំណើរឡើង លើភ្នំនេះ ដោយថ្មើជើងប្រហែលជា ៥ទៅ៦ម៉ោងអាស្រ័យទៅលើអ្នកដំណើរដើរយឺត ឬដើរលឿនតែប៉ុណ្ណោះ៕
