ពលរដ្ឋខ្មែរភាគច្រើន បានដឹងរួចមកហើយថា ភ្នំឱរ៉ាល់ គឺជាកំពូលភ្នំខ្ពស់ជាងគេនៅកម្ពុជា ដែលមានកម្ពស់ដល់ទៅ ១,៨១៣ ម៉ែត្រ ស្ថិតនៅផ្នែកខាងកើតនៃជួរភ្នំក្រវាញ នៅក្នុងស្រុកឱរ៉ាល់ ខេត្តកំពង់ស្ពឺ។
ដោយឡែក ចំពោះភ្នំដែលខ្ពស់ជាងគេលំដាប់ទី២វិញ ប្រហែលជាមិនសូវមានអ្នកធ្លាប់បានឮនៅទេ ដោយភ្នំនោះមានឈ្មោះថាភ្នំសំកុស។
ភ្នំនេះ មានកម្ពស់ ១៧១៧ម៉ែត្រ (ឯកសារខ្លះថាមានកម្ពស់១៧៥២ម៉ែត្រ) ស្ថិតនៅជួរភ្នំក្រវាញ នៃខេត្តពោធិ៍សាត់។ ភ្ញៀវទេសចរ ដែលចង់ទៅកម្សាន្តនៅលើភ្នំនេះ ត្រូវធ្វើដំណើរប្រមាណ ១៣គីឡូម៉ែត្រ ពីរង្វង់ប្រមោយ ស្រុកវាលវែង ខេត្តពោធិ៍សាត់ តាមផ្លូវកៅស៊ូឆ្ពោះទៅកាន់តំបន់អូរសោម រួចត្រូវចូលទៅសហគមន៍ភ្នំសំកុស ដើម្បីឱ្យបងប្អូនប្រជាការពារ ជូនដំណើរឡើងភ្នំ។
ក្រៅពីជាភ្នំខ្ពស់ជាងគេទី២ហើយនោះ ភ្នំនេះក៏ត្រូវបានរាជរដ្ឋាភិបាលដាក់បញ្ចូលជាដែនជម្រកសត្វព្រៃស្ថិតក្នុង៣ គឺខេត្តពោធិ៍សាត់ ខេត្តបាត់ដំបង និងខេត្តកោះកុង៕
រូបភាព៖ Planet Diew