នៅក្នុងរយៈពេល៤ថ្ងៃ នៃបុណ្យចូលឆ្នាំប្រពៃណីជាតិខ្មែរ ខេត្តកំពង់ចាម ទទួលបានទេសចរទៅកម្សាន្តច្រេីនជាងគេ នេះបេីយោងតាមរបាយការណ៍ស្ថិតិទេសចរណ៍របស់នាយកដ្ឋានស្ថិតិទេសចរណ៍ ចាប់ពីថ្ងៃទី១៣-១៦ ខែមេសា ខេត្តកំពង់ចាម ទទួលបានភ្ញៀវទេសចរជាតិចំនួន ៣ ៤៣១ ២២៤នាក់ និងទេសចរបរទេស ចំនួន ៣៥៦នាក់។
ក្រៅពីខេត្តកំពង់ចាម ក៏នៅមានខេត្ត៤ផ្សេងទៀត ដែលទទួលបានភ្ញៀវទេសចរចាប់ពីជិតមួយលាននាក់ឡើងទៅដោយរួមមាន៖
កំពង់ស្ពឺ មានទេសចរជាតិ ប្រមាណ ១.២៣៣.២៩៥ នាក់
បាត់ដំបង មានទេសចរជាតិ ប្រមាណ ១.០៧១.៥៥៥ នាក់
ព្រៃវែង មានទេសចរជាតិ ប្រមាណ ១.០១៤.៦០៦ នាក់
សៀមរាប មានទេសចរជាតិ ប្រមាណ ៩៤៣.០០០ នាក់
សូមបញ្ជាក់ថា រដ្ឋបាលខេត្តកំពង់ចាម បានរៀបចំសង្រ្កាន្តខេត្តកំពង់ចាម រយៈពេល៤ថ្ងៃ ចាប់ពីថ្ងៃទី១៣-១៦ ខែមេសា នៅមុខសាលាខេត្ត៕