ស្របពេលដែល បុណ្យចូលឆ្នាំកាន់តែជិតចូលដល់ សម្រាប់បងប្អូនប្រជាពលរដ្ឋដែលមានបំណងចង់ទៅកម្សាន្តនៅខេត្តបាត់ដំបង គួរណាស់ទៅទស្សនាកន្លែង៣ ដែលជាកន្លែងកម្សាន្តដ៏ល្បីប្រចាំខេត្ត និងមានផ្ទាំងទស្សនីយ៍ភាពស្រស់ស្អាតជាច្រើន។
១. ភ្នំសំពៅ ជារមណីយដ្ឋានទេសចរណ៍ដ៏ល្បីមួយប្រចាំស្រុកបាណន់។ ភ្នំនេះមានកម្ពស់ប្រមាណ ១០០ម៉ែត្រ គ្របដណ្ដប់ដោយព្រៃប្រឹក្សាដ៏ខៀវស្រងាត់ និងប្រាង្គសាសនាសង់ឡើងយ៉ាងខ្ពស់ គួរជាទីចាប់អារម្មណ៍។
២.អាងកំពីងពួយ គឺជារមណីដ្ឋានទេសចរណ៍បរិស្ថានធម្មជាតិស្ថិតនៅប៉ែកខាងលិច នៃទីរួមខេត្ដបាត់ដំបងដែលបាន កសាងឡើងក្នុងសម័យប៉ុលពតដោយកំលំាងមនុស្សសុទ្ឋសាធ។ អ្នកទេសចរអាចទៅលេងរមណីយដ្ឋាននេះដោយធ្វើដំណើរ ចេញពីទីរួមខេត្ដបាត់ដំបងតាមផ្លូវជាតិលេខ ៥៧ និងផ្លូវជាតិលេខ៥ ដោយប្រើរយៈពេលប្រហែល ៤៥នាទី ទៅ១ម៉េាង។
៣.អតីតអគារសាលាខេត្តបាត់ដំបង ជាសារមន្ទីរបេតិកភ័ណរបស់ខេត្ត ដែលបានកសាងនៅក្នុងសម័យលោកម្ចាស់កថាថន ឈុំ ពេលដែលខេត្តបាត់ដំបងស្ថិតក្រោមការគ្រប់គ្រងរបស់ថៃ ពីឆ្នាំ១៧៩៥ ដល់១៩០៧៕
