ទឹកជ្រោះស្អាតជាងគេបំផុតមួយនៅក្នុងប្រទេសកម្ពុជា គឺ «ទឹកជ្រោះព្រះនិម្មិត ឬទឹកធ្លាក់សុភ័ក្រមិត្ត» ដែលមានទីតាំងស្ថិតនៅតាមដងទន្លេមេគង្គ ជាប់នឹងព្រំប្រទល់ខេត្តចំប៉ាសាក់នៃប្រទេសឡាវ។
ទឹកជ្រោះព្រះនិម្មិត គឺស្ថិតនៅព្រំប្រទល់រវាងខេត្ត២នៃប្រទេសកម្ពុជា គឺខេត្តស្ទឹងត្រែងនិងខេត្តព្រះវិហារ។ វាគឺមានទីតាំងស្ថិតនៅក្នុងឃុំកំពង់ស្រឡៅ២ ស្រុកឆែប ខេត្តព្រះវិហារ។ ប្រសិនបើធ្វើដំណើរពីទីរួមខេត្តស្ទឹងត្រែង ទៅទីតាំងទឹកធ្លាក់ គឺមានចម្ងាយត្រឹមតែ ៦០គីឡូម៉ែត្រទេ តែបើសិនធ្វើដំណើរពីទីរួមខេត្តព្រះវិហារវិញ គឺមានចម្ងាយប្រមាណជាង១០០គីឡូម៉ែត្រឯណ្ណោះ។
រមនីយដ្ឋានទឹកជ្រោះព្រះនិម្មិត ហាក់ទទួលបាននូវប្រជាប្រិយភាពយ៉ាងខ្លាំងពីសំណាក់ភ្ញៀវទេសចរទាំងជាតិនិងអន្តរជាតិ ព្រោះតែផ្ទាំងទស្សនីយភាពដ៏កម្ររបស់វា អមជាមួយនឹងខ្យល់ត្រជាក់បរិសុទ្ធស្រស់ស្រាយ ព្រៃប្រឹក្សាអមជុំវិញនោះផងដែរ។ ម្យ៉ាងវិញទៀត វាគឺជាកន្លែងដែលទឹកទន្លេមេគង្គបានហូរយ៉ាងកំហុកកាត់តាមថ្មដារ ដែលមានកម្ពស់រហូតដល់ ២៦ម៉ែត្រ។
ចំពោះរដូវវស្សាវិញ ទឹកទន្លេទីនេះនឹងកើនឡើងដល់កម្រិតអតិបរមា ល្បឿនទឹកហូរគឺមានកម្លាំងកាន់តែខ្លាំងក្លា បំភាយចេញជាផ្សែងអ័ព្ទត្រជាក់ពេញផ្ទៃទន្លេ។ ខណៈនៅរដូវប្រាំង កម្រិតនៃទឹកទន្លេក៏មានការថមថយ ដែលអាចឲ្យមើលឃើញនូវផ្ទាំងថ្មរដិបរដុប ថ្មខ្លះមានរាងជាដុំពក ខ្លះទាល ខ្លះស្រួច ទៅតាមរាងធម្មជាតិរបស់វា ស្របពេលដែលទឹកបន្តហូរបណ្តេញគ្នាចុះជាបន្តបន្ទាប់ ស្រស់ស្អាតគួរជាទីគយគន់។
នៅទីនោះ ក៏មានកញ្ចុះនិងកន្លែងសម្រាកលំលែជាច្រើនសម្រាប់អង្គុយកម្សាន្តមើលទេសភាព អាចបោះតង់សម្រាក ព្រមជាមួយនឹងការបម្រើសេវាកម្មម្ហូបអាហារឆ្ងាញ់ៗប្រចាំតំបន់។ ហើយវាពិតជាសាកសមណាស់សម្រាប់អ្នកដែលស្រលាញ់ធម្មជាតិ ព្រៃប្រឹក្សា ស្តាប់សំឡេងទឹកហូរតាមដងទន្លេ ប្រកបដោយភាពស្ងប់ស្ងាត់ផងដែរ៕
តោះមកគយគន់ទេសភាព«ទឹកជ្រោះព្រះនិម្មិត»ដ៏ល្បីល្បាញរបស់កម្ពុជា ជាប់នឹងព្រំប្រទល់ប្រទេសឡាវ
ទឹកជ្រោះស្អាតជាងគេបំផុតមួយនៅក្នុងប្រទេសកម្ពុជា គឺ «ទឹកជ្រោះព្រះនិម្មិត ឬទឹកធ្លាក់សុភ័ក្រមិត្ត» ដែលមានទីតាំងស្ថិតនៅតាមដងទន្លេមេគង្គ ជាប់នឹងព្រំប្រទល់ខេត្តចំប៉ាសាក់នៃប្រទេសឡាវ។ 
ទឹកជ្រោះព្រះនិម្មិត គឺស្ថិតនៅព្រំប្រទល់រវាងខេត្ត២នៃប្រទេសកម្ពុជា គឺខេត្តស្ទឹងត្រែងនិងខេត្តព្រះវិហារ។ វាគឺមានទីតាំងស្ថិតនៅក្នុងឃុំកំពង់ស្រឡៅ២ ស្រុកឆែប ខេត្តព្រះវិហារ។ ប្រសិនបើធ្វើដំណើរពីទីរួមខេត្តស្ទឹងត្រែង ទៅទីតាំងទឹកធ្លាក់ គឺមានចម្ងាយត្រឹមតែ ៦០គីឡូម៉ែត្រទេ តែបើសិនធ្វើដំណើរពីទីរួមខេត្តព្រះវិហារវិញ គឺមានចម្ងាយប្រមាណជាង១០០គីឡូម៉ែត្រឯណ្ណោះ។
រមនីយដ្ឋានទឹកជ្រោះព្រះនិម្មិត ហាក់ទទួលបាននូវប្រជាប្រិយភាពយ៉ាងខ្លាំងពីសំណាក់ភ្ញៀវទេសចរទាំងជាតិនិងអន្តរជាតិ ព្រោះតែផ្ទាំងទស្សនីយភាពដ៏កម្ររបស់វា អមជាមួយនឹងខ្យល់ត្រជាក់បរិសុទ្ធស្រស់ស្រាយ ព្រៃប្រឹក្សាអមជុំវិញនោះផងដែរ។ ម្យ៉ាងវិញទៀត វាគឺជាកន្លែងដែលទឹកទន្លេមេគង្គបានហូរយ៉ាងកំហុកកាត់តាមថ្មដារ ដែលមានកម្ពស់រហូតដល់ ២៦ម៉ែត្រ។
ចំពោះរដូវវស្សាវិញ ទឹកទន្លេទីនេះនឹងកើនឡើងដល់កម្រិតអតិបរមា ល្បឿនទឹកហូរគឺមានកម្លាំងកាន់តែខ្លាំងក្លា បំភាយចេញជាផ្សែងអ័ព្ទត្រជាក់ពេញផ្ទៃទន្លេ។ ខណៈនៅរដូវប្រាំង កម្រិតនៃទឹកទន្លេក៏មានការថមថយ ដែលអាចឲ្យមើលឃើញនូវផ្ទាំងថ្មរដិបរដុប ថ្មខ្លះមានរាងជាដុំពក ខ្លះទាល ខ្លះស្រួច ទៅតាមរាងធម្មជាតិរបស់វា ស្របពេលដែលទឹកបន្តហូរបណ្តេញគ្នាចុះជាបន្តបន្ទាប់ ស្រស់ស្អាតគួរជាទីគយគន់។
នៅទីនោះ ក៏មានកញ្ចុះនិងកន្លែងសម្រាកលំលែជាច្រើនសម្រាប់អង្គុយកម្សាន្តមើលទេសភាព អាចបោះតង់សម្រាក ព្រមជាមួយនឹងការបម្រើសេវាកម្មម្ហូបអាហារឆ្ងាញ់ៗប្រចាំតំបន់។ ហើយវាពិតជាសាកសមណាស់សម្រាប់អ្នកដែលស្រលាញ់ធម្មជាតិ ព្រៃប្រឹក្សា ស្តាប់សំឡេងទឹកហូរតាមដងទន្លេ ប្រកបដោយភាពស្ងប់ស្ងាត់ផងដែរ៕
