ថ្មីៗនេះ មាននារីម្នាក់ឈ្មោះ ម៉ូលីកា បានបង្ហោះសារតាមបណ្តាញសង្គមតេឡាក្រាម ដោយបានចោទប្រកាន់ករណីប៉ូលិសចរាចរមួយក្រុម បានឃាត់រថយន្តនារីម្នាក់នៅម្តុំបឹងកក់ ខណៈរូបនាងកំពុងដឹកអ្នកម្តាយទៅសង្គ្រោះបន្ទាន់នៅឯមន្ទីពេទ្យ។
ជុំវិញករណីនេះ ឯកឧត្តម ឧត្តមសេនីយ៍ទោ ជួនណារិន្ទ ស្នងការនគរបាលរាជធានីភ្នំពេញ បានប្រកាសអញ្ជើញនារីរងគ្រោះម៉ូ លីកា ចូលខ្លួនទៅបំភ្លឺឱ្យបានច្បាស់ជុំវិញករណីនេះ ក៏ប៉ុន្តែរយៈពេលមួយថ្ងៃពេញមិនឃើញ នារីឈ្មោះ ម៉ូលីកា ចូលខ្លួនមកបំភ្លឺនោះទេ។
ក្រោយបើកការស៊ើបអង្កេត ឧត្តមសេនីយ៍ឯក ជួន ណារិន្ទ បានបង្ហោះសារនៅលើបណ្តាញសង្គមថា៖”សួស្ដីក្មួយស្រី ម៉ូនីកា ជាទីរាប់អាន! ក្មួយពិតជាចិត្តដាច់មែន មិនព្រមមកស្នងការដ្ឋាននគរបាលរាជធានី ដើម្បីសហការណ៍ជាមួយពូ ដើម្បីរកយុត្តិធម៌ជូនក្មួយ! ពូពិតជាខកចិត្តណាស់ដែលពូរងចាំនៅស្នងការដ្ឋាន តាំងពីម៉ោង ៦ព្រឹក រហូតដល់ម៉ោង ៦ល្ងាច! ខ្ញុំបាទសូមជូនព័ត៌មានដល់មហាជនទាំងអស់ជ្រាបថាក្មួយស្រីម៉ូលីកាមិនមែនជាតួអង្គក្នុងរឿងនេះទេ(ខ្ញុំស្នើសុំអ្នកនិពន្ធចេញសារភាពឱ្យទាន់ពេល) ព្រោះខ្ញុំត្រូវការរកយុត្តិធម៌ និងកិត្តិយសឱ្យអ្នករងគ្រោះពិតប្រាកដ! អំពីខ្ញុំបាទ រាជសឹង្ហ”៕
