កាលពីម្សិលមិញ មានករណីប៉ូលិសចរាចរមួយក្រុម បានឃាត់រថយន្តនារីម្នាក់នៅម្តុំបឹងកក់ ខណៈម្ចាស់រថយន្តកំពុងដឹកអ្នកម្តាយទៅសង្គ្រោះបន្ទាន់នៅឯមន្ទីពេទ្យ។
នារីជនរងគ្រោះ បានលើកឡើងថា៖”ចូលផ្លូវបឹងកក់ ពេលនោះមាន ប៉ូលីសគ្នា៣នាក់ មានគ្នា២នាក់ចុះមកចាប់ឡាននាងខ្ញុំ ហើយបានអញ្ជើញនាងខ្ញុំចុះ ដោយសួររកឆៀកឡាន និងចោទថាបានឈប់លើគំនូសដើរថែមទៀត។”
ក្រោយសម្រួលគ្នាចុះឡើង នារីជនរងគ្រោះ បានបាញ់ទៅឱ្យប៉ូលិសម្នាក់ស្លៀកពាក់សុីវិល១៧មុឺនរៀល ហើយប៉ូលិសនោះក៏បានបាញ់ឱ្យប៉ូលិសផ្សេងទៀតចំនួន២០ដុល្លារ ហើយថែមទាំងសុំលេខទូរសព្ទនាងទៀត។
ជុំវិញករណីនេះ ឯកឧត្តម ឧត្តមសេនីយ៍ទោ ជួនណារិន្ទ ស្នងការនគរបាលរាជធានីភ្នំពេញ បានប្រកាសអញ្ជើញនារីរងគ្រោះម៉ូ លីកា ចូលខ្លួនទៅបំភ្លឺឱ្យបានច្បាស់ជុំវិញករណីនេះ តើថាវាជាការពិត ឬប្រឌិត ខណៈប៉ូលិសដែលផាកនារីជនរងគ្រោះនោះ ត្រូវបានស្នងការរាជធានីភ្នំពេញ ឃាត់ខ្លួនបានអស់ហើយ ដោយរងចាំតែនារីរងគ្រោះម៉ូ លីកា ទៅដាក់ពាក្យបណ្តឹងតែប៉ុណ្ណោះ៕
