ថ្មីៗនេះ Jennie សមាជិកក្រុម BLACKPINK បានរៀបចំពិធីជប់លៀងស្វាគមន៍សម្រាប់ការសម្ពោធក្រុមហ៊ុនផ្ទាល់ខ្លួនរបស់នាង Odd Atelier ជាផ្លូវការ ។ ទន្ទឹមនឹងពិធីជប់លៀងមានអាហារឆ្ងាញ់ៗប៉ុណ្ណោះទេ ប៉ុន្តែកម្មវិធីជប់លៀងនេះមានទាំងការលេងហ្គេមចាប់តុក្កតារូប capybara ជាហ្គេមនិងសត្វដែល Jennie ចូលចិត្ត។
នៅថ្ងៃទី២ កុម្ភៈ នេះអ្នកតំណាងម៉ាកយីហោពាណិជ្ជកម្មសកលជាច្រើនដូចជា Chanel Adidas និង Gentle Monster ជាដើមបានចូលរួមក្នុងការជួបជុំហើយបានបន្សល់ទុកសារគាំទ្រ ទៅដល់ Jennie ។ អ្នកដែលបានចូលរួមពិធីសម្ពោធក្រុមហ៊ុនរបស់ Jennie បានចែករំលែកពេលវេលាពីការជួបជុំគ្នាតាមរយៈ Instagram ធ្វើឱ្យមានការទាក់ទាញយ៉ាងខ្លាំងពីអ្នកគាំទ្រ។
ក្នុងរូបភាពដែលបានចែករំលែកក្រៅពីជម្រើសអាហារដ៏ប្រណីត និងឡូយឆាយដែលផ្តល់ជូនក្នុងពិធីជប់លៀងនោះ ភាពរីករាយ និងការតុបតែងមួយផ្សេងទៀតពីកម្មវិធីជប់លៀងនេះដែលទទួលបានការចាប់អារម្មណ៍នោះគឺម៉ាស៊ីនចាប់តុក្កតា capybara ដ៏គួរឱ្យស្រឡាញ់។
Jennie ត្រូវបានអ្នកគាំទ្រដឹងថានាងស្រលាញ់សត្វ capybaras ជាខ្លាំងហើយការយកហ្គេមចាប់តុក្កការូបcapybaras ជាថ្មីម្តងទៀតកាន់តែធ្វើឱ្យអ្នកគាំទ្រដឹង Jennie ជាអ្នកគាំទ្រលេខ១ របស់ capybaras ក្នុងចំណោមតារា K-Pop ។
គួរបញ្ជាក់ថា Jennie បានបង្ហាញក្រុមហ៊ុនផ្ទាល់ ODD ATELIER របស់នាងជាផ្លូវការនៅថ្ងៃទី ២៣ ខែធ្នូ ឆ្នាំ ២០២៣ ដោយបង្ហាញថានាងបានបង្កើតក្រុមហ៊ុនដើម្បី «ទាក់ទាញការយកចិត្តទុកដាក់ក្នុងវិធីខុសពីអ្វីដែលធម្មតា ឬរំពឹងទុក» ហើយការបើកនេះនាងចង់មានសេរីភាព និងផាសុកភាពជាងមុន៕
