ពេលខ្លះទម្លាប់មួយចំនួនដែលអ្នកតែងតែចូលចិត្តធ្វើ និងអនុវត្តនៅពេលព្រឹកស្ទើរតែរៀងរាល់ថ្ងៃ អាចបង្កគ្រោះថ្នាក់ដល់រាងកាយអ្នកបាន ទាំងដែលអ្នកមិនបានដឹងថាវាអាចមានផលប៉ះពាល់ដល់សុខភាពនោះទេ។ ជាពិសេសទម្លាប់ ២ ខាងក្រោមនេះតែម្តង ហ៊ានតែធ្វើជាប្រចាំ នឹងបណ្តាលឱ្យសុខភាពរបស់អ្នកចុះខ្សោយ ក៏ដូចជាប៉ះពាល់ដល់ថ្លើមផងដែរ។
១.មិនទៅបន្ទប់ទឹកនៅពេលឈឺបត់ជើងតូចខ្លាំង៖ យោងតាមអ្នកជំនាញបានឱ្យដឹងថា ការខំប្រឹងទប់មិនព្រមទៅបន្ទប់ទឹកនៅពេលឈឺបត់ជើងតូចបន្ទាប់ពីភ្ញាក់ដឹងខ្លួន គឺអាចបង្កគ្រោះថ្នាក់ខ្លាំងណាស់។ ដោយសារតែការបត់ជើងតូចនៅពេលព្រឹកជាតិពុលដែលបានផ្តុំទុកនៅក្នុងថ្លើម នឹងអាចបញ្ចេញចោលតាមរយៈទឹកនោម។ ប្រសិនបើអ្នកខំទប់យូរដោយមិនបានទៅបន្ទប់ទឹកនោះថ្លើមរបស់អ្នកក៏មិនអាចលាងសម្អាតជាតិពុលបានល្អដែរថែមទាំងអាចបង្កហានិភ័យកាន់តែខ្លាំងឡើងៗទៅថ្ងៃមុខ។
២. មិនញ៉ាំអាហារពេលព្រឹក៖ មានមនុស្សមិនតិចទេដែលមិនបានញ៉ាំអាហារពេលព្រឹកដោយសារមមាញឹក ឬរវល់ជាដើម។ ទោះជាយ៉ាងណា ប្រសិនបើអ្នករក្សាទម្លាប់បែបនេះកាន់តែយូរ វានឹងបណ្តាលឱ្យអ្នកខ្វះជីវជាតិ រាងកាយចុះខ្សោយ ឆាប់នឿយហត់អស់កម្លាំង សរីរាង្គខាងក្នុងដំណើរការមិនល្អ និងអាចប៉ះពាល់ដល់សុខភាពថ្លើមផងដែរ។ ដូច្នេះហើយ អាហារពេលព្រឹកគឺសំខាន់បំផុត ព្រោះវាអាចផ្តល់នូវថាមពលបានពេញមួយថ្ងៃ និងល្អចំពោះសរីរាង្គខាងក្នុង ជាពិសេសគឺថ្លើមរបស់អ្នក។ កាលណាដែលអ្នកមិនញ៉ាំអាហារពេលព្រឹក អាចបណ្តាលឱ្យថ្លើមស្រូបយកខ្លាញ់ធាត់ កម្រិតស្ករធ្លាក់ចុះ សារធាតុ Glycogen ក៏ថយចុះ បង្កើនបន្ទុកអាំងស៊ុយលីនលើថ្លើមជាដើម៕