ក្តៅៗ! អភិបាលក្រុងកែប ត្រូវបានបញ្ចប់មុខតំណែង ក្រោយប្រើប្រាស់អំណាចប៉ះពាល់ប្រយោជន៍ជាតិ

លោក ខេង យ័ន អភិបាលក្រុងកែប និងនាយករដ្ឋបាលក្រុងកែប ត្រូវបានសម្តេចធិបតី ហ៊ុន ម៉ាណែត​បញ្ចប់មុខតំណែងភ្លាមៗ ក្រោយពីការស៊ើបអង្កេតរបស់អង្គភាពប្រឆាំងអំពើពុករលួយ។

អភិបាលក្រុងកែបនេះ រងការចោទប្រកាន់ ដោយបានប្រើប្រាស់អំណាចនៃតួនាទីរបស់ខ្លួនប្រព្រឹត្តអំពើដែលនាំឱ្យប៉ះពាល់ដល់ផលប្រយោជន៍រដ្ឋ និងផលប្រយោជន៍របស់ប្រជាពលរដ្ឋជាច្រើន។សូមបញ្ជាក់ថា ការពីដើមឆ្នាំកន្លងទៅពោលគឺនៅថ្ងៃទី២ ខែមករាឆ្នាំ ២០២៤ វេលាម៉ោងប្រមាណ ១១ព្រឹក លោក ខេង យ័ន អភិបាលក្រុងកែប និងនាយករដ្ឋបាលក្រុងកែប ត្រូវបានអង្គភាពប្រឆាំងអំពើពុករលួយ (ACU) ឃាត់ខ្លួនរួចម្តងមកហើយ ក៏ប៉ុន្តែត្រូវបានដោះលែងវិញនៅថ្ងៃដដែល៕