នៅព្រឹកថ្ងៃទី៥ មករា ឆ្នាំ២០២៤នេះ សមត្ថកិច្ចនៃក្រសួងមហាផ្ទៃឃាត់ខ្លួនអ្នកជំនាញកសិកម្មលោក នី ណាក់ ដោយចោទពីបទបរិហារកេរ្តិ៍ និងញុះញង់ ក្រោយលោកបង្ហោះសារលើហ្វេសប៊ុករិះគន់ក្រសួងការងារ។
លោក នី ណាក់ បានសរសេរសារបង្ហោះលើហ្វេសប៊ុកដែលមានឈ្មោះថា”Iman KH” ដោយលើកឡើថា៖”FN,មួយម៉ឺនក្រុមហ៊ុនបើកថ្មីនៅ២០២៤។សង្ស័យរាប់តាំងពីក្រុមហ៊ុនលក់លៀសហាល ក្រុមហ៊ុនដើរសុំទាន ក្រុមហ៊ុនលក់ថ្នាំញៀន។ល។ បើកច្រើន បិទវិញអត់រាប់ឡើយ។ប្រ/ទខ្លាសេដ្ឋកិច្ចលក់តាំងពីភ្នំមិនសល់”។
បច្ចុប្បន្នលោក នី ណាក់ ត្រូវបានសមត្ថកិច្ចគ្រោងបញ្ជូនទៅតុលាការ ក្រោយពីសាកសួររួចរាល់។
គួរបញ្ជាក់ថា លោក នី ណាក់ ទើបត្រូវជនមិនស្គាល់មុខស្ទាក់វាយក្បាលស្ទើរផុតជីវិត ហើយកំពុងអំពាវនាវដល់សាធារណជនសុំថវិកា គ្រោងទៅព្យាបាលរបួសក្បាលនៅប្រទេសថៃផងដែរ៕
