នៅក្នុងបណ្តាប្រទេសអាស៊ាន ថៃជាប្រទេសតែមួយគត់ដែលមិនធ្លាប់ធ្លាក់ក្នុងអណានិគម ក្រៅពីនេះសុទ្ធសឹងតែធ្លាប់ធ្លាក់ក្នុងអណានិគមប្រទេសមហាអំណាចជប៉ុន និងលោកខាងលិចជាដើម។
ជាក់ស្តែងកម្ពុជាយើង ក៏ធ្លាប់ធ្លាក់ក្នុងអណានិគមបារាំងអស់រយៈពេល ៩០ឆ្នាំ ផងដែរ ដោយទើបតែទទួលឯករាជ្យពេញលេញនៅឆ្នាំ១៩៥៣ប៉ុណ្ណោះ ដោយគិតមកទល់ពេលនេះមានរយៈពេល៧០ឆ្នាំហើយ។
សម្រាប់នៅក្នុងឆ្នាំ១៩៥៣នេះ មិនមែនមានតែកម្ពុជានោះទេ ដែលទទួលបានឯករាជ្យពីបារាំង សូម្បីតែឡាវ ដែលជាប្រទេសជាប់ព្រំប្រទល់កម្ពុជាយើង ក៏បានប្រកាសឯករាជ្យនៅថ្ងៃទី២២ ខែតុលា ឆ្នាំ១៩៥៣ផងដែរ។
គួរបញ្ជាក់ផងដែរថា កម្ពុជាទទួលបានឯករាជ្យ នៅថ្ងៃទី៩ ខែវិច្ឆិកា ឆ្នាំ១៩៥៣ ដោយព្រះបាទ នរោត្តមសីហនុ ទ្រង់បានទាមទារឯករាជ្យភាពឱ្យកម្ពុជាយ៉ាងពេញលេញពីប្រទេសបារាំង៕
