អ្នកលេងអ៊ីនធឺណិតកូរ៉េប្រតិកម្មខ្លាំងក្នុងពិធីមង្គលការ Chen សមាជិក EXO ដោយសារតែរឿងនេះ

ថ្វីដ្បិតតែ Chen សមាជិកក្រុម EXO បានរៀបការស្របច្បាប់ក្នុងឆ្នាំ២០២០ និងទទួលបានចំណងដៃកូនស្រីម្នាក់ក៏ដោយ ប៉ុន្តែតារា K-Pop រូបនេះទើបតែបានរៀបចំពិធីមង្គលការរបស់ខ្លួនដោយអញ្ជើញមនុស្សជាទីស្រលាញ់ក្នុងចង្កោមសិល្បៈចូលរួម ខណៈកាលពីមុនរៀបចំបែបលក្ខណៈគ្រួសារ។

ទោះជាយ៉ាងណា ទន្ទឹមនឹងភាពរីករាយនៅពេលឃើញពិធីមង្គលការរបស់ Chen រៀបចំឡើងកាលពីពេលថ្មីៗនេះប៉ុន្តែក៏បង្កភាពចម្រូងចម្រាសក្នុងចំណោមអ្នកនិយមលេងអ៊ីនធឺណិតកូរ៉េដោយការបញ្ចូលបទចម្រៀងពិសេសរបស់អ្នកគាំទ្រ EXO នៅក្នុងពិធីមង្គលការនេះ ។

នៅលើវេទិកាអនឡាញកូរ៉េមានការជជែកវែកញែកផ្តោតលើការសម្រេចចិត្តរបស់ Chen ក្នុងការបញ្ចូលបទចម្រៀង “Don’t Go” របស់ EXO ទៅក្នុងការសម្តែងពិធីមង្គលការរបស់តារាចម្រៀងរូបនេះ។ បញ្ហាជាក់លាក់ដែលលើកឡើងដោយអ្នកគាំទ្រ និងអ្នកនិយមលេងអ៊ីនធឺណិតពាក់ព័ន្ធនឹងអត្ថន័យដើមនៃបទចម្រៀងនេះ ព្រោះថា “Don’t Go” ត្រូវបានបង្កើតឡើងជា ‘fan song’ ក្នុងឆ្នាំ២០១៣ ដើម្បីជានិមិត្តរូបនៃទំនាក់ទំនងកាន់តែខ្លាំងឡើងរវាង EXO និងអ្នកគាំទ្ររបស់ពួកគេ EXO-Ls ។

នៅលើបណ្តាញទំនាក់ទំនងសង្គម ពួកគេបានបញ្ចេញមតិថា៖ បទ “‘Peter Pan,’ ‘Angel,’ និង ‘Don’t Go’ គឺជាបទចម្រៀងរបស់អ្នកគាំទ្រផ្តាច់មុខវារន្ធត់ចិត្តណាស់ដែលមានបទចម្រៀងបែបនេះបានសម្តែងក្នុងពិធីមង្គលការ វាជាជម្រើសមិនត្រឹមត្រូវ។ បទចម្រៀងដ៏សំខាន់បែបនេះគួរតែកុំប៉ះពាល់។ អ្នកផ្សេងទៀតបានបញ្ចេញមតិថា គេពិតជាមិនខ្វល់ថាអ្នកណារៀបចំពិធីមង្គលការឬអ្វីនោះទេ ប៉ុន្តែនៅពេលឮបទ “Don’t Go”វាបានធ្វើឱ្យគេខឹងសម្បារយ៉ាងខ្លាំង។

ប្រតិកម្មរបស់អ្នកលេងអ៊ីនធឺណិតបន្ថែមទៀតរួមមាន «គេមិនមែនជាអ្នកគាំទ្រក្រុម EXO ទេ ប៉ុន្តែនេះជារឿងដ៏គួរឲ្យភ្ញាក់ផ្អើលណាស់, បទនេះពិតជាពិសេសសម្រាប់ EXO-Ls ហើយទោះបីជាវាជាពិធីមង្គលការរបស់គាត់ក៏ដោយគួរតែបង្ហាញការយកចិត្តទុកដាក់ចំពោះជ្រើសបទចម្រៀង, អត្ថបទចម្រៀងសំដៅទៅលើអ្នកគាំទ្រ យ៉ាងជាក់លាក់ដូច្នេះយើងមិនដឹងថាហេតុអ្វី chen ត្រូវជ្រើសរើសបទនេះមកសម្តែងក្នុងពិធីមង្គលការនេះ»៕