ផែនដី មានតួនាទីយ៉ាងសំខាន់ក្នុងការទ្រទ្រង់ភាវៈមានជីវិត រាល់ដំណើរការរបស់ផែនដីទាំងអស់សុទ្ធតែមានសារៈសំខាន់សម្រាប់ជីវិតរស់នៅរបស់មនុស្សម្នាក់ៗ។ ដូចច្នេះហើយប្រសិនបើផែនដីរបស់យើងឈប់វិលតើនឹងមានរឿងអ្វីខ្លះកើតឡើង?
១.ពេលថ្ងៃអាចនឹងវែងជាងពេលយប់៖ នៅពេលផែនដីឈប់វិលរយៈពេល ៥ នាទី នោះពេលថ្ងៃនឹងមានរយៈពេលប្រហែលមួយឆ្នាំ នេះបើយោងតាមអ្នកវិទ្យាសាស្ត្រ NASA។
២.អាកាសធាតុប្រែជាអាក្រក់៖ នៅពេលផែនដីឈប់វិល អាកាសធាតុប្លែកៗនឹងកើតមានយ៉ាងច្រើនៅលើផែនដី ដែលធ្វើឱ្យយើងមិនអាចមើលឃើញពន្លឺព្រះអាទិត្យបាននោះទេ។
៣.ព្យុះស៊ូណាមិ និងទឹកជំនន់ធំៗ៖ នៅពេលផែនដីឈប់វិលភ្លាមៗនោះ ទឹកនឹងកើនឡើង ដែលបណ្តាលឱ្យបាត់បង់តុល្យភាព ធ្វើឱ្យព្យុះស៊ូណាមិ និងទឹកជំនន់កើនឡើងយ៉ាងខ្លាំង នឹងអាចធ្វើឱ្យមនុស្សសត្វស្លាប់បានទៀតផង។
៤.បាតុភូតខ្យល់បក់ខ្លាំង៖ កំណើនខ្យល់បក់ក៏មានទំនាក់ទំនងជាមួយផែនដីផងដែរ បើផែនដីឈប់វិលនោះនឹងមានខ្យល់បក់យ៉ាងខ្លាំង ដែលមានល្បឿន ១៦០០ គីឡូម៉ែតក្នុងមួយម៉ោង។
៥.បាតុភូតទ្វីបរសាត់៖ បើសិនផែនដីឈប់វិល ទ្វីបទាំងអស់នឹងដាច់ចេញពីគ្នាឬផ្តុំគ្នាដែលធ្វើឱ្យមានការប្រែប្រួលសណ្ឋាន។
៦.រដូវផ្លាស់ប្តូរ៖ ប្រសិនបើផែនដីឈប់វិល រដូវក៏បានផ្លាស់ប្តូរខុសធម្មតា ដែលជាទូទៅរដូវក្នុងពិភពលោករបស់យើងមាន ៤ តែនៅពេលផែនដីឈប់វិលគឺពិភពលោកមិនអាចមានរដូវទៀតឡើយ។
៧.គ្មានការប្រមូលផល៖ ពិតណាស់ ប្រសិនបើផែនដីឈប់វិលអ្វីៗក៏បានប្រែប្រួលដោយសារគ្រោះធម្មជាតិ។
៨.អ្វីៗនឹងផ្លាស់ទីតាំង៖ កាលណាដែលផែនដីឈប់វិល វត្ថុនៅទីនោះក៏បានផ្លាស់ប្តូរដោយខ្លួនឯងផងដែរ។
៩.ទឹកត្រូវបាត់បង់ពីផែនដី៖ នៅពេលផែនដីឈប់វិលនោះទឹកនឹងលែងមានដូចមុន ហើយពិភពលោកនឹងជួបគ្រោះរាំងស្ងួត។
១០.ពិភពលោកនឹងឆេះ៖ ដូចដែលយើងបានដឹងហើយ ស្នូលផែនដីរបស់យើងគឺសុទ្ធតែភ្លើង នៅពេលផែនដីឈប់វិលនោះពិភពលោករបស់យើងនឹងឆេះ៕
