ពេលនិយាយដល់ ហុងកុង និងម៉ាកាវ គេតែងតែគិតថា ទាំង២នេះ ជាឈ្មោះប្រទេស ដែលមានឯករាជជាតិផ្ទាល់ខ្លួន ក៏ប៉ុន្តែការគិតនេះមិនត្រឹមត្រូវនោះទេ។
ហុងកុង និងម៉ាកាវ ជាតំបន់រដ្ឋបាលពិសេស របស់ប្រទេសចិន ដែលស្ថិតក្រោមការគ្រប់គ្រងគោលគំនិតនៃ “ប្រទេសមួយ ប្រព័ន្ធពីរ” នៃសាធារណរដ្ឋប្រជាមានិតចិន។
ហុងកុងត្រូវបានគេចាត់ទុកជាតំបន់រដ្ឋបាលពិសេស តាំងពីអង់គ្លេសដកអាណានិគមមកម្ល៉េះ។ តាមរយៈសន្ធិសញ្ញា ចិន កោះ និងតំបន់ដីគោក បានស្ថិតក្រោមការគ្រប់គ្រងរបស់ចក្រភពអង់គ្លេសនៅក្នុងសតវត្សរ៍ទី ១៩។ ក្រោយមកនៅចុងសតវត្សរ៍ទី២០ អង់គ្លេសក៏សម្រេចចិត្ត ប្រគល់ហុងកុងមកឱ្យចិនគ្រប់គ្រងវិញ។
ដោយឡែក ម៉ាវការវិញ ត្រូវបាន ព័រទុយហ្គាល់ប្រគល់ឱ្យចិនគ្រប់គ្រង នៅថ្ងៃទី២០ ខែធ្នូ ឆ្នាំ១៩៩ ក្រោយប្រទេសអឺរ៉ុបមួយចំនួនធំដូចជាអង់គ្លេស បារាំង ចាប់ផ្តើមដកអាណានិគមចេញពីប្រទេសតំបន់អាសុី។ សេដ្ឋកិច្ចរបស់ទឹកដីនេះពឹងផ្អែកយ៉ាងខ្លាំងទៅលើល្បែងស៊ីសង ទេសចរណ៍ និងការផលិតផងគ្រឿងអេឡិចត្រូនិច៕
