ទីបំផុតការទន្ទឹងរង់ចាំពេញ១ថ្ងៃ របស់មហាជនដែលទស្សនាផ្ទាល់ ក៏ដូចការមើលតាមរយៈបណ្តាញសង្គមផងដែរថាតើបេក្ខជណណាដែលមានវាសនាធ្វើជាម្ចាស់ឡាន PIck Up 2023។ អ្វីកាន់តែពិសេសគឺ មានបេក្ខជនបេក្ខនារី កីឡាករ កីឡាការិនីជាច្រើនរយនាក់បានមកពី២៥ខេត្តក្រុង ដែលបានចូលរួមប្រកួតប្រជែងគ្នាក្នុងកម្មវិធីកម្មវិធី «ពួកម៉ាកល្អអូសឡានឈ្នះឡាន» របស់ស្រាបៀGanzberg។
ជាលទ្ធផលនៅរាត្រីយប់ថ្ងៃទី២៣ ខែកញ្ញា ឆ្នាំ២០២៣ នៅទីលានប្រកួតកីឡាអូសឡានកោះពេជ្រ ដដែលនេះ ទោះបីជាក្រោមអាកាសធាតុ ភ្លៀងរលឹម ផ្គររន្ទះយ៉ាងណាក៏ដោយ ក៏កម្មវិធីនៅតែបន្តដំណើរការជាធម្មតា ហើយបេក្ខជនគ្រប់រូបនៅតែខិតខំព្យាយាម តស៊ូរហូតដល់ទៅបំផុត។គណៈម្មាការក៏បានរកឃើញក្រុមខ្លាំងដែលទទួលជ័យជំនះ ដែលជាក្រុមចុងក្រោយបានអូសឡានលឿនដល់គោលដៅមុនគេ នោះគឺក្រុមកីឡាករពាក់ស្លាកលេខ ១៤២។
សូមបញ្ជាក់ផងដែរថា ក្រុមលេខ ១៤២ ដែលទទួលបានជ័យលាភីក្លាយជាម្ចាស់រង្វាន់រថយន្ត Pick Up ស៊េរីថ្មី 2023 ពី GANZBERG មានសមាជិកអូសឡាន៣រូបជាមិត្តភ័ក្រល្អតស៊ូរហូតបានជ័យជំនះ។
ចំណែកក្រុមជ័យលាភីលេខ២ ក៏ទទួលបានម៉ូតូ៣គ្រឿង និងជ័យលាភីលេខ៣ ទទួលបានទឹកប្រាក់ចំនួន៣០០០ដុល្លារផងដែរ។
សូមរំលឹកថា កម្មវិធីប្រកួតដ៏ល្អប្លែកអស្ចារ្យមិនធ្លាប់មាននៅកម្ពុជាដែលរៀបចំដោយក្រុមហ៊ុនស្រាបៀរ Ganzberg ដែលមានឈ្មោះថា «ពួកម៉ាកល្អអូសឡានឈ្នះឡាន» ពិតជាទទួលបាននូវការគាំទ្រពីមហាជនមិនធម្មតាឡើយ ទោះបីជាអាកាសធាតុមិនអំណោយផលយ៉ាងណាក៏ដោយ ក៏មហាជននៅតែទន្ទឹងរង់ចាំទស្សនារហូតដល់ចប់កម្មវិធី។
