ពាក្យចចាមអារ៉ាមមិនច្បាស់លាស់អំពីអនាគតរបស់ BLACKPINK បានធ្វើឱ្យភាគហ៊ុនរបស់ YG មានការធ្លាក់ចុះយ៉ាងខ្លាំងបើធៀបនឹងភាគហ៊ុនផលិតកម្មធំៗនៅក្នុងស្រុក។ ប្រឈមមុខនឹងការប្រែប្រួលនេះដើម្បីកាត់បន្ថយហានិភ័យនិងស្វែងរកផ្លូវរីកចម្រើនថ្មី YG ធ្វើឱ្យការរំពឹងទុកនៃភាពជោគជ័យរបស់ក្រុមនារីថ្មីរបស់ពួកគេគឺ Baby Monster ប៉ុន្តែការ debut ផ្លូវការរបស់ពួកគេនៅតែមិនទាន់បង្ហាញច្បាស់នៅឡើយ។
ការចរចាររវាងសមាជិក BLACKPINK និង YG ជុំវិញកិច្ចសន្យារបស់ពួកគេនៅតែមិនច្បាស់លាស់ ការព្រួយបារម្ភរបស់ម្ចាស់ភាគហ៊ុនកាន់តែស៊ីជម្រៅ។ ទន្ទឹមនឹងនោះ ផលិតកម្ម YG Entertainment កំពុងផ្តោតលើពេលវេលាដំបូងរបស់ Baby Monster ដែលផលិតកម្មកំពុងរៀបចំយ៉ាងយកចិត្តទុកដាក់។ Baby Monster នឹងក្លាយជាក្រុមចម្រៀងស្រីបន្ទាប់ដែលបានបង្កើតឡើងដោយ YG ដែលជាក្រុមដំបូងក្នុងរយៈពេលប្រហែល៧ឆ្នាំចាប់តាំងពី BLACKPINK បានបង្ហាញខ្លួនដំបូង។ ក្រុមជំនាន់ថ្មីនេះមានសមាជិក៧នាក់មកពីប្រទេសផ្សេងគ្នាដូចជា កូរ៉េ ជប៉ុន និងថៃ ជាមួយនឹងការច្រៀងដ៏ឆ្នើម ការរាំ ជំនាញរ៉េប ភាពប៉ិនប្រសប់របស់ពួកគេ និងការគាំទ្ររបស់ទស្សនិកជន។
គម្រោងដំបូងរបស់ Baby Monster កំពុងដំណើរការជាលំដាប់ក្រោមការដឹកនាំរបស់លោក Yang Hyun Suk ប៉ុន្តែកាលបរិច្ឆេទបង្ហាញខ្លួនជាក់លាក់នៅមិនទាន់បានសម្រេចនៅឡើយទេ។ ខណៈពេលដែលក្រុមហ៊ុនមានគោលបំណងដំបូងសម្រាប់ការបង្ហាញខ្លួនក្រុមនេះជាផ្លូវការ នៅក្នុងខែកញ្ញា ២០២៣ ប៉ុន្តែពួកគេបានពន្យារពេលដើម្បីសម្រេចបាននូវកម្រិតខ្ពស់នៃភាពល្អឥតខ្ចោះ។ Baby Monster ត្រូវបានគេដឹងថាបទចម្រៀងដំបូងរបស់ពួកគេនឹងស្ថិតក្នុងប្រភេទហ៊ីបហបដ៏ញាក់កន្រ្តាក់អារម្មណ៍ហើយសិល្បកររបស់ YG កំពុងខិតខំប្រឹងប្រែងបន្ថែមទៅក្នុងផលិតកម្មតន្ត្រី។
សម្រាប់ YG ដើម្បីសម្រេចបាននូវកំណើនប្រកបដោយនិរន្តរភាព ការបន្តកិច្ចសន្យារបស់ BLACKPINK គឺចាំបាច់ ប៉ុន្តែភាពជោគជ័យរបស់ Baby Monster ដែលជាមនុស្សជំនាន់ក្រោយគឺមានសារៈសំខាន់។ នេះបើយោងតាមអ្នកនៅក្នុងឧស្សាហកម្មនេះបានលើកឡើង។ YG បានបង្ហាញសមត្ថភាពរបស់ខ្លួនរួចហើយក្នុងការស្វែងរក និងផលិតតារា K-pop ដែលមានទេពកោសល្យដែលទទួលបានជោគជ័យជាសកលដជាមួយក្រុម Big Bang, 2NE1, និង BLACKPINK ។
ប្រកាសនេះវានៅតែត្រូវបានគេមើលឃើញថាតើ Baby Monster ដែលទទួលបានការរំពឹងទុកខ្ពស់ពីអ្នកគាំទ្រ នឹងក្លាយជា “តារា K-pop” ពិភពលោកនាពេលអនាគតដែលទទួលខុសត្រូវចំពោះអនាគតរបស់ YG ដែរឬទេ?។
គួរបញ្ជាក់ដែរថា មុនការបង្ហាញខ្លួនជាផ្លូវការក៏ដោយចំនួនចុច Subscribed ឆាណែលយូធូប របស់ពួកគេបានកើនលើស៣ លាននាក់ហើយវីដេអូចម្រៀងដំបូងមានចំណងជើងថា “DREAM” ទទួលបានការចូលមើលជាង ៥០ លានដងក្នុងរយៈពេលត្រឹមតែ៣ ខែប៉ុណ្ណោះ៕
