ស្លឹកម្លូ គឺជារុក្ខជាតិដ៏មានសារសំខាន់ក្នុងជីវភាពរស់នៅប្រចាំថ្ងៃ ដោយមានចាស់ៗ និងប្រជាពលរដ្ឋនៅតាមបណ្ដាខេត្ត ឬតំបន់ដាច់ស្រយាលមួយចំនួនបានយកវាមកបៀកជាមួយកំបោរ ហើយទំពារជាមួយស្លាទុំជាដើម។ ប៉ុន្តែតើអ្នកដឹងទេ ស្លឹកម្លូមានអត្ថប្រយោជន៍អ្វីខ្លះ? ទើបចាស់ៗភាគច្រើនចូលចិត្តទំពារវា? ដូច្នេះហើយ ខាងក្រោមនេះគឺជាអត្ថប្រយោជន៍ដ៏អស្ចារ្យនៃស្លឹកម្លូ៖
១.សម្រួលដល់ការទល់លាមក៖ ស្លឹកម្លូគឺជាថាមពលនៃសារធាតុប្រឆាំងអុកស៊ីតកម្មដែលជម្រះរ៉ាឌីកាល់ចេញពីរាងកាយ ហើយវាស្តារកម្រិត PH ធម្មតាក្នុងរាងកាយ និងជួយដល់ក្រពះពោះវៀន ដើម្បីបំបាត់ការទល់លាមក។
២.ព្យាបាលមុខរបួស៖ ស្លឹកម្លូគឺជាប្រភពនៃសារធាតុប្រឆាំងអុកស៊ីតកម្ម ដែលវាកាត់បន្ថយភាពតានតឹង និងជួយព្យាបាលរបួសបានលឿន។ វាក៏អាចត្រូវបានគេប្រើក្នុងការកាត់បន្ថយការឈឺចាប់ដែលបណ្តាលមកពីការកាប់, ជាំ, និងកន្ទួលជាដើម។
៣.ជំនួយធ្មេញឱ្យរឹងមាំ៖ ស្លឹកម្លូរមានប្រសិទ្ធភាពប្រឆាំងនឹងមេរោគក្នុងមាត់ ក៏ដូចជាបំបាត់ការឈឺធ្មេញ ឈឺអញ្ចាញធ្មេញ ហើម និងមេរោគក្នុងមាត់ផងដែរ។ តាមការសិក្សាបង្ហាញថា ការទំពាស្លឹកម្លូជួយបង្កើនទឹកមាត់ កាត់បន្ថយការរីកលូតលាស់នៃបាក់តេរី ដោយស្ដារឡើងវិញនូវកម្រិត pH ក្នុងមាត់ និងធ្មេញ។
៤.សម្រកទម្ងន់៖ ស្លឹកម្លូជួយពង្រឹងការរំលាយអាហារ បង្កើនការបញ្ចេញទឹករំលាយអាហារ និងបញ្ចេញជាតិទឹក និងជាតិពុលដែលលើសពីរាងកាយ។ បរិមាណជាតិសរសៃនៅក្នុងស្លឹកម្លូជួយបំបាត់អាការទល់លាមកផងដែរ ដែលវាត្រូវបានគេជឿថាអាចកាត់បន្ថយជាតិខ្លាញ់ក្នុងរាងកាយ។
៥.កាត់បន្ថយបញ្ហាផ្លូវដង្ហើម៖ ស្លឹកម្លូ ជួយព្យាបាលបញ្ហាក្អក និងផ្តាសាយបានយ៉ាងមានប្រសិទ្ធភាព វាក៏ជាឱសថព្យាបាលដ៏ល្អសម្រាប់អ្នកដែលមានបញ្ហាទ្រូង តឹងសួត និងជំងឺហឺត។ ដោយអ្នកអាចស្ងោរស្លឹកម្លូពីរបីសន្លឹកក្នុងទឹក ដោយបន្ថែមក្រវាញ ខ្ទឹមស ក្នុងទឹកពីរពែង រួចរម្ងាស់វាឱ្យសល់មកត្រឹម ១ ពែង ហើយទទួលទានវា ២ ទៅ ៣ ដងក្នុង ១ ថ្ងៃ ដើម្បីទទួលបានការធូរស្បើយយ៉ាងល្អឥតខ្ចោះពីការកកស្ទះ និងបញ្ហាផ្លូវដង្ហើម៕
