បើយោងតាមសន្និសីទសារព័ត៌មាន ស្ដីពីភាពជោគជ័យនៃការដាក់បញ្ជូលប្រាសាទកោះកេរ ក្នុងបញ្ជីសម្បត្តិបេតិកភណ្ឌពិភពលោក លោក គង់ ពុទ្ធិកា អគ្គនាយកនៃអាជ្ញាធរជាតិព្រះវិហារ បានបង្ហើបថា៖”លោកស្រី ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ កំពុងរៀបចំឯកសារ ដើម្បីស្នើសុំចុះបញ្ជីក្រមា ទៅក្នុងសម្បត្តិបេតិកភណ្ឌពិភពលោកវប្បធម៌អរូបី”។
លោក គង់ ពុទ្ធិកា បានបន្ថែមទៀតថា៖” យើងជឿជាក់លើ ក្រុមការងារដែលរៀបចំឯកសារចុះបញ្ជីក្រមាខ្មែរជាសម្បត្តិបេតិកភណ្ឌវប្បធម៌អរូបីនេះ ហើយយើងនឹងព្យាយាមធ្វើយ៉ាងណាឱ្យក្រមារបស់ខ្មែរបានចូលជាសម្បត្តិបេតិកភណ្ឌវប្បធម៌អរូបី។
ទាក់ទងនឹងបញ្ហានេះ ខាងសារព័ត៌មានថៃ ធ្លាប់បានផ្សព្វផ្សាយម្តងរួចមកហើយ តាំងពីខែឧសភា ដោយពួកគេប្រកាន់ជំហររឹងមាំ ក្នុងការធ្វើយ៉ាងណា ដាក់បញ្ចូលក្រមាពួកគេ ចូលជាសម្បត្តិបេតិកភណ្ឌវប្បធម៌អរូបី៕
