យោងតាមគណនីផ្លូវការរបស់លោកដែលមានឈ្មោះថា Iman-KH បានប្រកាសពីការរង់គ្រោះដោយអំពើហឹង្សា ដែលបានប្រព្រិត្តិលើរូបលោកនី ណាក់ នៅលើដងផ្លូវសាធារណៈទាំងកណ្តាលថ្ងៃ វេលារសៀល ថ្ងៃទី១២ ខែកញ្ញា ឆ្នាំ២០២៣នេះ នៅពេលដែលពួកគាត់បានជិះម៉ូតូចេញពីឃ្លាំងធ្វើជីកំប៉ុសនៅព្រែកថ្មី នៅជិតវត្តចំពុះក្អែក ត្រឡប់ទៅផ្ទះរបស់ពួកគាត់វិញ។
យោងតាមការរៀបរាប់ពីភរិយារបស់លោកបានបញ្ជាក់អោយដឹងថា មានជនល្មើសមិនស្គាល់មុខមានគ្នាបួនប្រាំនាក់ បានជិះម៉ូតូទៅបុកម៉ូតូរបស់គាត់ចំពីក្រោយ បណ្តាលអោយដួលនៅលើដងផ្លូវ ហើយជនល្មើសទាំងនោះបាន ព្រួតគ្នាវាយដំលើរូបគាត់បណ្តាលអោយរបួសយ៉ាងធ្ងន់ធ្ងរបំផុត។
យោងតាមការរៀបរាប់របស់ភរិយាលោកបានអោយដឹងថា៖ នៅពេលនេះអាការៈរបស់លោកនីណាក់នៅមានសភាពធ្ងន់ធ្ងរនៅឡើយ និង កំពុងតែសង្រ្គោះបន្ទាន់នៅឯមន្ទីពេទ្យឯកជនឈ្មោះ ថា ណាត្រាបឹងទំពន់ផ្លូវ371។
តាមសំណេរខាងលើភរិយារបស់លោកនី ណាក់បានសសេរនៅលើបណ្តាញសង្គមថា ស្វាមីរបស់គាត់រងរបួសធ្ងន់ត្រង់ក្បាល៥កន្លែង និងរងរបួសដៃ និងជើងផងដែរ ហើយលទ្ធផលយ៉ាងណានៅមិនទាន់ដឹងប្រាកដនៅឡើយទេត្រូវរង់ចាំការថតស្កេនពីលោកគ្រូពេទ្យទើបដឹងលទ្ធផល។
ឆ្លៀតក្នុងឪកាសនោះផងដែរ ភរិយាលោក នី ណាក់ ក៏បានលើកដៃអំពាវនាវដល់អជ្ញាធរមានសមត្ថកិច្ចទាំងអស់សូមមេត្តាជួយស្វែងរកជនដៃដល់ជាជនល្មើស និងសូមរកយុត្តិធម៌ជូនដល់ប្តីរបស់គាត់ផង។
សូមរំលឹកផងដែរថាកន្លងមកលោកនី ណាក់ (Iman-KH) ដែលជាអ្នកចូលចិត្តបញ្ចេញយោបល់និងមត្តិរិៈគន់ឥតសំចៃមាត់នៅលើបណ្តាញសង្គម និងក៏ជាអ្នកដែលតែងតែជួយផ្សព្វផ្សាយ អំពីបច្ចេកទេសកសិកម្មដល់ប្រជាជនខ្មែរបានដឹងនិងរៀនពីរបៀបធ្វើកសិកម្មតាមសម័យទំនើប និងក៏ធ្លាប់ជាប់ពន្ធធគារ១៨ខែពីបទញុះញង់ និងផ្សាយព័ត៌មានមិនពិតពីកសិកម្មផងដែរ។
