ក្នុងរាត្រីវគ្គ Live Show គ្រូបង្វឹក ពេជ្រ សោភា បានធ្វើឱ្យមហាជនចាប់អារម្មណ៍មិនតិចនោះទេជាមួយសម្រស់វ័យ៤០ឆ្នាំរបស់តារាចម្រៀងរូបនេះក្នុងរ៉ូបពណ៌ផ្កាឈូក អមជាមួយគ្រឿងពេជ្រត្បូងពណ៌ផ្កាឈូកដូចគ្នា ខណៈគ្រឿងពេជ្រមួយឈុតនេះត្រូវបានទម្លាយថា មានតម្លៃរហូតទៅដល់ជាង៣ម៉ឺនដុល្លារ។
អ្នកនាង ពេជ្រ សោភា ត្រូវបានគេលើកឡើងជារឿយៗថាជាគ្រូបង្វឹកម្នាក់ដែលផ្តល់ឱកាសច្រើនទៅដល់បេក្ខជន បេក្ខនារី ដែលចូលរួមប្រកួត ខណៈក្នុងឆ្នាំនេះកូនក្រុមរបស់នាងត្រូវទស្សនិកជនមើលឃើញថាមានជើងខ្លាំងជាច្រើនរូប។ អ្វីដែលគួរឱ្យចាប់អារម្មណ៍សម្រាប់គ្រូបង្វឹករូបនេះផ្ទាល់នៅក្នុងវគ្គ Live Show សប្តាហ៍ទី១ ក្នុងកម្មវិធី The Voice Cambodia រដូវកាលទី៣នេះ ពេជ្រ សោភា បញ្ចេញសម្រស់យ៉ាងស្រស់ឆើតឆាយជាមួយរ៉ូបពណ៌ផ្កាឈូក អមជាមួយគ្រឿងពេជ្រ យ៉ាងភ្លឺចែងចាំងតែម្តង។
បើតាមការទម្លាយតម្លៃគ្រឿងពេជ្រដែល ពេជ្រ សោភា ពាក់នេះមានតម្លៃសរុបចំនួន ៣១ ៥៨០ ដុល្លារ ដោយតម្លៃខ្សែកពេជ្រថ្លៃ ១២ ១៥៣ ដុល្លារ, កងដៃពេជ្រថ្លៃ ៨ ៨៨៤ដុល្លារ , ចិញ្ចៀនពេជ្រ ៣ ០៨៤ដុល្លារ និងក្រវិលមានតម្លៃ ៧ ៤៥៩ដុល្លារ។
ក្រោយពីបញ្ចេញសម្រស់ដ៏ស្រស់ស្អាតអមជាមួយគ្រឿងអលង្ការទៀត មហាជនសរសើរមិនដាច់ពីមាត់ពីសម្រស់របស់ ពេជ្រ សោភា ទោះបីជាវ័យជ្រេបន្តិចក្តីប៉ុន្តែនៅតែមានសម្រស់ទាក់ទាញយ៉ាងខ្លាំង៕
