ប្រព័ន្ធផ្សព្វផ្សាយនិងសាធារណជនបានចាប់អារម្មណ៍យ៉ាងខ្លាំងទៅលើ Kim Kardashian និងកូនស្រី បន្ទាប់ពីប្រទះឃើញអ្នកជំនួញ និងជាតារាម៉ូឌែលរូបនេះបានកាន់កាបូបដែលមានតម្លៃថ្លៃកប់ពពកខណៈពួកគេហោះហើរត្រឡប់ពីដំណើរកម្សាន្តនៅប្រទេសជប៉ុនតាមយន្តហោះឯកជនតម្លៃ ១៥០ លានដុល្លាររបស់មហាសេដ្ឋី។
តារាសម្តែង ម៉ូឌែល និងជាសហគ្រិន វ័យ៤២ឆ្នាំជាមួយសំលៀកបំពាក់ទាន់សម័យពណ៌ខ្មៅអមជាមួយវែនតាខ្មៅទៀត បានធ្វើឱ្យមហាជនចាប់អារម្មណ៍ជាខ្លាំង ជាពិសេសកាបូបដែលនាងកាន់អាចលក់បានចាប់ពី ៦០,០០០ ដុល្លារដល់ជាង ១០០,០០០ ដុល្លារជាមួយការបង្អួតសម្រស់ធម្មជាតិដោយគ្មានការផាត់មុខ។ មិនត្រឹមតែប៉ុណ្ណោះកូនស្រីរបស់នាងដែលមានអាយុត្រឹម១០ឆ្នាំ បានកាន់កាបូបម៉ាកល្បីមួយដែលមានតម្លៃប្រហែល ៧ ៩០០ ដុល្លារ។
លើសពីនេះទៅទៀត នៅពេលពួកគេត្រឡប់ទៅសហរដ្ឋអាម៉េរិកវិញបន្ទាប់ពីកម្សាន្តនៅប្រទេសជប៉ុន ២នាក់ម្តាយកូននេះបានចុះពីលើយន្តហោះឯកជនតម្លៃ ១៥០ លានដុល្លារឯណោះបន្ថែមពីលើការកាន់កាបូបតម្លៃកប់ពពករបស់ពួកគេ។
គួរបញ្ជាក់ផងដែរថា ក្នុងឆ្នាំ២០២៣ Kim Kardashian ត្រូវទស្សនាវដ្តីអាម៉េរិកចុះផ្សាយថានាងមានទ្រព្យសម្បត្តិសុទ្ធ ១.៧ ពាន់លានដុល្លារ និងក្តាប់ជំនួយជាច្រើននៅក្នុងដៃ៕.PNG)
