ថ្មីៗមកនេះមានផេកថៃមួយបានចុះផ្សាយពី រ៉ូស ដែលបានច្រៀង Cover បទថៃកន្លងមកនេះដោយមានមតិវែកញែកយ៉ាងច្រើន ខណៈ រ៉ូស បានបោះសម្តីថាមានតែខ្មែរទេដែលជាន់ និង Bully នាង តែថៃវិញបានសរសើរ និងលើកទឹកចិត្តនិងឱ្យនាងតស៊ូបន្តទៀតព្រោះពាក្យខ្លះនាងច្រៀងមិនច្បាស់។ ទោះយ៉ាងណាក៏មានការលើកឡើងថាអ្នកជិតខាងនេះកម្រនឹងសរសើរមកលើកម្ពុជាណាស់តែពេលរ៉ូសបកស្រាយបទចម្រៀងថៃបែរជាមានការសរសើរ ឬការសរសើរនេះពួកគេមានគោលបំណងអ្វីមួយ?។
យប់ថ្ងៃទី៨ សីហា រ៉ូស ដែលជាអ្នកលេងបណ្តាញសង្គមល្បីឈ្មោះម្នាក់ និងទើបមានរឿងក្តីប្តឹងផ្តល់គ្នារងនៅអំពើហិង្សា បានសរសេរថា «តាមពិតចូលទៅមើលមានតែថៃខមិនសរសើរ ហើយនិងលើកទឹកចិត្ត ហើយថាទៀតមិនមានការគិតថាមើលងាយ ព្រោះច្រៀងចេញមកគួរឱ្យស្រលាញ់ទោះពាក្យខ្លះមិនសូវច្បាស់ និងប្រាប់ឱ្យរ៉ូសស៊ូៗ នេះអ្វីដែលបានចូលអានខំមិនខាងថៃ ថៃយកផុសថាខ្មែច្រៀងថៃត្រូវបាន ខ្មែរគ្នាឯង bully ច្រើន គេមិនបាននិយាយពាក្យមើលងាយទេ មានតែលើកទឹកចិត្តអ្នកច្រៀងនិងអរគុណដែលស្រលាញ់ អ្វីដែលឃើញមានតែខ្មែរគ្នាឯងដែលជាន់»។
គួរបញ្ជាក់ថា រ៉ូស Cover បទថៃមានទាំងMVផងនេះពេលបង្ហោះលើបណ្តាញសង្គមរួចមានអ្នកលេងបណ្តាញសង្គមបានបញ្ចេញមតិយោបល់ជាច្រើនទៅលើការច្រៀងរបស់នាង ខណៈការច្រៀង cover របស់រ៉ូស បានធ្លាយទៅដល់ផេកថៃបានចុះផ្សាយពីនាងផងដែរ។ ទោះយ៉ាងណា អ្នកលេងបណ្តាញសង្គមភាគច្រើនបង្ហាញអារម្មណ៍មិនពេញចិត្តចំពោះនាងនោះទេព្រោះអ្នកលេងបណ្តាញសង្គមថៃខ្លះបានប្រើពាក្យសើចចំអក។ ចំណែកឯអ្នកខ្លះទៀតបាននិយាយថាអ្វីៗដែលល្អរបស់កម្ពុជា ភាគីអ្នកជិតខាងមិនដែលពេញចិត្តនោះទេ ញឹកញាប់តែងតែបង្ហាញឱ្យដឹងច្បាស់តែម្តង។
ការដែល រ៉ូស បង្ហាញថាមានជនជាតិថៃច្រើនសរសើរ និងលើកទឹកចិត្តពេលនាងច្រៀង Cover បទថៃនេះ មិនដឹងថាជនជាតិនេះមានគោលបំណងអ្វីឱ្យប្រាកដនោះទេ ជាការសរសើរដោយចេញពីចិត្តឬគ្រាន់តែសរសើរក្នុងន័យផ្សេងរបស់ពួកគេប៉ុណ្ណោះ៕
