ឆ្លងកាត់ព្យុះភ្លៀងមួយប្រាវរហូតជាប់ឈ្មោះកញ្ញា ៣០M Views ឬកញ្ញា ខ្មើត ទីបំផុតបេក្ខនារី សុខុម រចនា បានឆ្លងផុតវគ្គ The Battles ហើយដោយមានការជ្រើសរើសយកពីគ្រូបង្វឹកផ្ទាល់គឺអ្នកនាង ឱក សុគន្ធកញ្ញា ខណៈគូប្រកួតរបស់នាងគឺបេក្ខនារី ឈិន ស្រីណុច ក៏មិនអន់ដូចគ្នាមានការ Steal យកពី Coach ទាំង៣នៅក្នុងកម្មវិធីផងដែរ។.PNG)
នៅយប់ថ្ងៃទី៦ សីហា វគ្គ The Battles សប្តាហ៍ចុងក្រោយនៃកម្មវិធីប្រកួតចម្រៀង The Voice Cambodia រដូវកាលទី៣ បានលេចវត្តមានបេក្ខជន បេក្ខនារី ដ៏មានសមត្ថភាពជាច្រើនរូបដោយមានអ្នកខ្លះក៏អាចបន្តទៅវគ្គក្រោយបាន និងអ្នកខ្លះទៀតត្រូវខ្ទាតចេញពីកម្មវិធីដូចគ្នា។ សប្តាហ៍ចុងក្រោយនេះដែរ បេក្ខនារី សុខុម រចនា ដែលរងព្យុះភ្លៀងមួយប្រាវត្រូវមហាជនរិះគន់ពេញប្រទេសមិនអរគុណម្ចាស់ដើមរហូតជាប់ឈ្មោះថា កញ្ញា ៣០M Views ពេលនេះក៏សម្រេចបានលទ្ធផលល្អដូចគ្នាគឺនាងអាចបន្តទៅវគ្គក្រោយបានហើយ។
វគ្គ The Battles សុខុម រចនា ត្រូវប៉ះជាមួយ ស្រីណុច ក្រោមបទចម្រៀងមួយបទមានចំណងជើងថា «នឹកមនុស្សម្នាក់ដែលមិនធ្លាប់ស្រលាញ់ខ្ញុំ» ដែលជាបទដើមរបស់ឧកញ៉ា ព្រាប សុវត្ថិ Version ប្រុស និង Versionស្រីជាកញ្ញា វី ឌីណែត។.PNG)
ជាកត់សម្គាល់មួយគូនេះពិតជាមិនធម្មតានោះទេព្រោះពិធីករ ពិធីការិនី មិនទាន់ប្រកាសឱ្យ Coach Steal ផងគ្រូបង្វឹក ណុប ប៉ាយ៉ារិទ្ធ បានចុច Steal មុនគេទៅហើយព្រោះទោះបីជាគ្រូបង្វឹក ឱក សុគន្ធកញ្ញា សម្រេចចិត្តជ្រើសយកម្នាក់ណា ចោលម្នាក់ណាក៏លោក Steal យកដែរ។ ជាលទ្ធផលមួយគូនេះ គ្រូបង្វឹក ឱក សុគន្ធកញ្ញា សម្រេចជ្រើសយក សុខុម រចនា ឱ្យបន្តទៅវគ្គ Knockouts ។
ចំពោះបេក្ខនារី ស្រីណុច វិញ មិនត្រឹមតែមានការចុច Steal យកពីលោក ណុប ប៉ាយ៉ារិទ្ធ ប៉ុណ្ណោះទេតែលោក ឆន សុវណ្ណារាជ និងអ្នកនាង ពេជ្រ សោភា ក៏ចុច Steal ដូចគ្នាដោយបេក្ខនារីរូបនេះសម្រេចចូលក្នុង Team ប៉ាយ៉ារិទ្ធ។
ការជាប់របស់ សុខុម រចនា នេះដែរគឺជាឱកាសរបស់នាងម្តងទៀតដើម្បីបន្តលើវិថីសិល្បៈ មហាជនក៏បានលើកឡើងដែរថាមេរៀនកន្លងមកសង្ឃឹមថានាងកែប្រែឥរិយាបថហើយអាចយកឈ្នះចិត្តមហាជនវិញបាន៕
