រដ្ឋាភិបាលកូរ៉េខាងជើង បានកាត់ទោសក្មេងអាយុពីរឆ្នាំម្នាក់ ឱ្យជាប់ពន្ធនាគារអស់មួយជីវិត បន្ទាប់ពីក្រុមចារកម្ម បានរកឃើញថាឪពុកម្តាយក្មេងនេះ បានលាក់គម្ពីរ Bible នៅក្នុងផ្ទះ។
ករណីនេះកើតឡើងតាំងពីឆ្នាំ២០០៩ តែទើបតែបែកធ្លាយកាលពីខែឧសភា ឆ្នាំ២០២៣ ដោយក្រុមចារកម្មអាមេរិក ជាអ្នកបញ្ចេញព័ត៌មាន។
នៅក្នុងប្រទេសកូរ៉េខាងជើងមានអ្នកទោសប្រមាណជា៥មុឺននាក់ ទៅ៧មុឺននាក់ ត្រូវបានរដ្ឋាភិបាលកូរ៉េខាងជើងគេចាប់ដាក់ពន្ធនាគារអស់មួយជីវិតពីបទ”ជាគ្រិស្តសាសនិក”។
រដ្ឋធម្មនុញ្ញរបស់លោក គីម ជុងអ៊ុន បានអះអាងធានានូវសេរីភាព និងបើកសិទ្ធខាងជំនឿសាសនា ក៏ប៉ុន្តែវាគ្រាន់តែជាការផ្សព្វផ្សាយឱ្យពិភពលោកខាងក្រៅបានឃើញតែប៉ុណ្ណោះ។ ជាក់ស្តែងការផ្សព្វផ្សាយសាសនា នៅក្នុងប្រទេសនេះ អាចប្រឈមមុខនឹងការជាប់ពន្ធនាគារ។
យោងតាមរបាយការណ៍២០២០ ប្រជាជនកូរ៉េខាងជើង៧១ភាគរយមិនមានជំនឿលើព្រះនោះទេ ខណៈ១១ភាគរយទៀតមានជំនឿលើសាសនាព្រះពុទ្ធ។/cloudfront-eu-central-1.images.arcpublishing.com/prisa/BT3A64GBART4HEJCEZ66VQ5S7I.jpg)
គួរបញ្ជាក់ផងដែរថា រដ្ឋាភិបាលប្រទេសនេះបានដាក់ចេញនូមនោគមវិជ្ជាមួយហៅថា “Kimilsungism-Kimjongilism” ដែលធ្វើយ៉ាងណាឱ្យប្រជាជនប្រទេសនេះ ចាត់ទុកមេដឹកនាំរបស់ខ្លួនដូចជាព្រះ វាប្រៀបនឹងប្រព័ន្ធគ្រប់គ្រង Propaganda ដូចគ្នាដែរ ដែលមនោគមវិជ្ជាបានដាក់ចេញតាំងពីជំនាន់ជីតារបស់លោកគីម ជុងអ៊ុន ឯណោះ គឺលោក គីម អុីល ស៊ុង៕
ប្រភព៖ economic times
