ប្រសិនបើអ្នកចង់មានអារម្មណ៍ល្អពេញមួយថ្ងៃ អ្នកគួរតែចាប់ផ្តើមអនុវត្តជាមួយលំហាត់ដ៏សាមញ្ញទាំងនេះ ដោយគ្រាន់តែចំណាយពេល ៥ ទៅ ១០ នាទីប៉ុណ្ណោះជារៀងរាល់ព្រឹក ដើម្បីទទួលបានសុខភាពល្អ និងអារម្មណ៍ស្រស់ស្រាយ។
១.ដើរ ឬរត់៖ ការរត់ ឬដើរនៅពេលព្រឹកគឺជាវិធីដ៏ល្អបំផុតមួយដើម្បីបង្កើនការរំលាយអាហារ និងជំរុញការដុតបំផ្លាញជាតិខ្លាញ់កាន់តែច្រើន។
២.Plank poses៖ Plank poses គឺជាលំហាត់ប្រាណពេលព្រឹកដ៏ល្អមួយ សម្រាប់ជួយពង្រីកឆ្អឹងខ្នង និងធ្វើឱ្យអ្នកឈរ ឬអង្គុយបានល្អពេញមួយថ្ងៃ ដោយមិនចុកចង្កេះ ចុកខ្នង ឡើយ។
៣.Jumping Jacks៖ ការលោត Jack ៣០-៥០ ដងនៅពេលព្រឹក គឺជាការហាត់ប្រាណដ៏អស្ចារ្យមួយ ក្នុងការជួយឱ្យឈាមហូរកាន់តែច្រើនទៅកាន់សាច់ដុំ និងសរីរាង្គរបស់អ្នក។
៤.squats៖ លំហាត់ប្រាណនេះដែរ ជួយឱ្យអ្នកដុតកាឡូរីបានច្រើន កាត់បន្ថយហានិភ័យនៃការរងរបួសជង្គង់ កជើង ត្រគាក និងបង្កើនការរំលាយអាហាររបស់អ្នកផងដែរ។
៥.Pushups៖ Pushups គឺល្អសម្រាប់ការកសាងសាច់ដុំ រុញទ្រូង ស្មា និង កំភួនដៃ។
៦.យូហ្កា៖ អ្នកគួរចំណាយពេលប្រហែល ៥ ទៅ ១០ នាទីនៅពេលព្រឹកដើម្បីទទួលបានសុខភាពដ៏ល្អ មាំមួន និងអារម្មណ៍ស្រស់ស្រាយ៕ ប្រភព៖sanook