វគ្គ The Battles សប្តាហ៍ទី១ នៃកម្មវិធី The Voice Cambodia រដូវកាលទី៣បានឈានមកដល់ហើយដែលជាវគ្គមួយដ៏តានតឹងព្រោះបេក្ខជនក្នុងក្រុមតែមួយត្រូវប្រកួតគ្នាដើម្បីដណ្តើមជម្នះអាចបន្តទៅវគ្គបន្តទៀត។ យ៉ាងណាមិញ វគ្គនេះក៏ជាវគ្គពិសេសប្រសិនបើបេក្ខជនណាដែលគ្រូបង្វឹកផ្ទាល់ខ្លួនសម្រេចចិត្តមិនជ្រើសនោះគ្រូបង្វឹក៣រូបផ្សេងទៀតគឺអាច Steal យកបេក្ខជនរូបនោះបាន។
ទោះយ៉ាងណាទើបតែសប្តាហ៍ទី១ លោក ស៊ុក សុភា ដែលជាអតីតតួឯកល្បីឈ្មោះក្នុងរឿងទុំទាវ និងកំពុងចាយជីវិតរីករាយលើទឹកដីនាយសមុទ្រ បានប្រតិកម្ម Coach ក្នុងកម្មវិធីព្រោះតែសោកស្តាយបេក្ខជន ស៊រ ស៊ីណារ៉ាត់ ដែលជាបេក្ខជនលេចធ្លោខ្លាំងក្នុងវគ្គ Blind Auditions ។.PNG)
លោក ស៊ុក សុភា បានសរសេរនៅលើបណ្តាញសង្គមថា «វគ្គនេះមិនគួរយកជើងខ្លាំងដាក់ជាមួយគ្នានោះទេធ្វើចឹងអត់ត្រូវទាល់តែសោះ បើតាមការស្តាប់ច្រៀងបានពីរោះមានសមត្ថភាពល្អដូចគ្នា ហើយដល់ពេលមនុស្សមានសមត្ថភាពល្អចឹងហើយ ពេលគ្នាធ្លាក់ម្នាក់ហើយខូចអត់មានអ្នក Steal គ្នាទុកទៀត មើលហើយមានអារម្មណ៍ថាអយុត្តិធម៌ដល់ប្អូនប្រុសដល់ហើយខ្ញុំ ហេតុអ្វីមិនរក្សាគាត់ទុកទៅវគ្គបន្ត អស់លោក លោកស្រី គណ:កម្មការ ? សុំយោបល់ម្នាក់មួយមើលបងប្អូនបានមើល The Voice»។.PNG)
ការលើកឡើងរបស់អតីតតួឯកល្បីឈ្មោះរូបនេះ បន្ទាប់ពី ស៊រ ស៊ីណារ៉ាត់ ត្រូវប្រកួតជាមួយបេក្ខនារី គឹម សុវណ្ណ ក្នុងបទចម្រៀងមួយបទមានចំណងជើងថា « I HATE MYSELF FOR LOVING YOU » ដោយ Coach កញ្ញា បានសម្រេចចិត្តយក គឹម សុវណ្ណ បោះបង់ចោល ស៊រ ស៊ីណារ៉ាត់ ខណៈ Coach ផ្សេងទៀតមិនមានការ Steal បេក្ខជន ណារ៉ាត់ ឡើយ។
ទន្ទឹមនឹងមានការសោកស្តាយសម្រាប់បេក្ខជនខាងលើនេះ មហាជនអ្នកលេងបណ្តាញសង្គមវិញក៏សម្តែងក្តីសោកស្តាយទៅលើបេក្ខនារីមួយរូបទៀតគឺ ធឿន លីលី ហៅ Khun Lee ដែលគេស្គាល់ថាជាអ្នកច្រៀងCover ល្បីឈ្មោះមួយរូបដែរដែលត្រូវជម្រុះចេញពីកម្មវិធីហើយមិនមានការ Steal ពីគ្រូបង្វឹកទៀតឡើយ។.PNG)
ក្នុងវគ្គ The Battles ធឿន លីលី ត្រូវប្រកួតជាមួយ នូ សុវណ្ណដាណេ ក្នុងក្រុមរបស់គ្រូបង្វឹក ណុប បាយ៉ារិទ្ធ ដោយត្រូវបកស្រាយបទចម្រៀងមួយបទមានចំណងជើងថា «លក់គោយន្ត»។ អ្នកលេងបណ្តាញសង្គមបានបញ្ចេញមតិថា ពិតជាការសោកស្តាយណាស់សម្រាប់បេក្ខនារី លីលី និងអ្នកខ្លះបានលើកឡើងថា ប្រសិនជាលីលីប្រកួតជាមួយនារីដូចគ្នាមានភាគរយខ្ពស់គឺបេក្ខនារីរូបនេះអាចបន្តទៅវគ្គក្រោយ និងមានអ្នកខ្លះទៀតថា ដាក់បទចម្រៀងនេះដូចចង់ទម្លាក់លីលីព្រោះត្រូវបកស្រាយបទចម្រៀងតុងប្រុស៕
