ស្តេចប្រដាល់សកលអាសុីកីឡាករ Manny Pacquiao នឹងត្រូវឡើងវាយជាមួយស្តេចប្រដាល់ថៃ ប៊ូខាវ ដែលគ្រោងនឹងធ្វើឡើងនៅដើមខែមករា ឆ្នាំ២០២៤ ខាងមុខនេះ នៅឯប្រទេសថៃ។
ការប្រកួតរវាង Manny Pacquiao ទល់នឹង Buakaw ស្ថិតនៅក្នុងវិញ្ញា “ប្រដាល់សកល” ដែលមិនអាចប្រើជើង កែង ឬជង្គង់បានឡើយ។ បើយោងតាមការចុះផ្សាយរបស់សារព័ត៌មាន Thairath ការប្រកួតនេះ គឺដើម្បីតែគាំចិត្តអ្នកគាំទ្រថៃ ដោយសារតែមួយរយៈចុងក្រោយនេះ នៅក្នុងវិស័យ Muay Thai ហាក់មានការមិនចុះសម្រុង និងចម្រូងចម្រាស់ជាច្រើន។
ចំពោះសន្និសីទសារព័ត៌មានផ្លូវការនៃការប្រកួតខាងលើនឹងធ្វើឡើងនៅថ្ងៃទី២១ ខែកក្កដា ឆ្នាំ២០២៣ ខាងមុខ នៅទីក្រុងបាងកក ប្រទេសថៃ។
សូមបញ្ជាក់ផងដែរថា ការប្រកួតចុងក្រោយបង្អស់របស់ Manny Pacquiao គឺចាញ់កីឡាករគុយបា Yordenis Ugas កាលពីខែសីហា ឆ្នាំ២០២១ ដោយបាត់បង់ខ្សែក្រវាត់ពិភពលោក WBA មុនសម្រេចចូលនិវត្តន៍ពីអាជីពជាកីឡាករប្រដាល់៕
ប្រភព៖ Boxing247
