លោកជំទាវ ហ៊ុន ស៊ីណាត ផ្តាំទៅ ចំប៉ីខ្មៅ ក្នុងរឿងជំទាវ ចន ច័ន្ទ និងការជ្រើសប្រធានសមាគមសិល្បករខណៈ ចំប៉ីខ្មៅ តបបែបនេះ

មហាជនជ្រាបខ្លះៗមកហើយសំឡេងគាំទ្ររបស់ចំប៉ីខ្មៅស្នើឱ្យជំទាវ ចន ច័ន្ទលក្ខណា ហៅអ្នកហូបទុរេនដៀលអ្នកស្រែមកLive សូមទោសមានច្រើនយ៉ាងខ្លាំងពីសំណាក់អ្នកនិយមលេងអ៊ីនធឺណែត ខណៈប្រធានសមាគមសិល្បករកម្ពុជារក្សាភាពស្ងៀមស្ងាត់។ យ៉ាងណាមិញលោកជំទាវហ៊ុន ស៊ីណាត បានលូកដៃក្នុងរឿងនេះនិងផ្តាំទៅចំប៉ីខ្មៅថាបើចង់ហៅបុគ្គលនោះមកLive សូមទោសគឺខាងក្រសួងវប្បធម៌ខណៈអ្នកនាង ចន ច័ន្ទ គ្មានសិទ្ធិរឿងនេះទេ។ លោកជំទាវ បានផ្តាំទៀតថាការជ្រើសប្រធានសមាគមមានឈ្មោះ៤ទៅ៥នាក់ហើយមិនបាច់Present អ្នកណាទេ អ្នកណាថ្លៃថ្នូរគេបោះឆ្នោតឱ្យហើយ។

នាពេលថ្មីៗនេះលោកជំទាវ ហ៊ុន ស៊ីណាត បានផ្តាំទៅលោក យិន ហេង ហៅចំប៉ីខ្មៅ ថា បើចង់ហៅបុគ្គលស៊ីទុរេនដៀលអ្នកស្រែមកLive សូមទោសជាសាធារណៈគឺមិនមែនជាតួនាទីអ្នកនាង ចន ច័ន្ទ ឡើងគឺបើចង់ស្នើគឺទៅខាងក្រសួងវប្បធម៌ជាអ្នកចាត់ចែងលើរឿងនេះទាំងក្នុងរឿងថតវីដេអូអាសភាសជាដើមគឺខាងក្រសួងវប្បធម៌ ហើយ ចន ច័ន្ទលក្ខណាមិនមានសិទ្ធិហៅបុគ្គលនោះមកLiveសូមទោសនោះទេ។ លោកជំទាវ បានសង្កត់ធ្ងន់ថា លោកជំទាវមិនបានកាន់ជើងអ្នកនាង ចន ច័ន្ទលក្ខណា ឡើយហើយកាលៈទេសៈកាលពីមុនជារឿងផ្សេង ហើយឥឡូវនេះគឺជារឿងផ្សេង។

លោក ជំទាវ ហ៊ុន ស៊ីណាត ផ្តាំទៅ ចំប៉ីខ្មៅ ទៀតថាការជ្រើសប្រធានសមាគមសិល្បករកម្ពុជា គេមានឈ្មោះ៤ទៅ៥នាក់ដែរ អ្នកណាថ្លៃថ្នូរគេបោះឱ្យអ្នកនោះហើយ មិនចាំបាច់ប្រេសិនឈ្មោះអ្នកណាទេ។
ទន្ទឹមនឹងការផ្តាំផ្ញើរបស់លោកជំទាវ ហ៊ុន ស៊ីណាត នៅលើបណ្តាញសង្គម ចំប៉ីខ្មៅ វិញបានឆ្លើយតបនៅយប់ថ្ងៃទី១ ខែកក្កដា ថា « សូមគោរពអ្នកម្ដាយអ៊ំ ក្មួយសូមគោរពទទួលអនុសាសន៍ និងដំបូន្មានពីអ្នកម្ដាយអ៊ំ ចាប់ពីពេលនេះតទៅក្មួយបញ្ឍប់សកម្មភាពរឿងស៊ីទុរេនប្រមាថប្រជាជនខ្មែរទៀតហើយ ។ ក្មួយសូមលើកម្រាមដៃដប់សំពះគោរពអរគុណអ្នកម្ដាយអ៊ំ រួមជាមួយបងប្អូនមហាជនខ្មែរដែលអាណិតស្រលាញ់ខ្ញុំបាទទាំងអស់គ្នា»។

ក្រោយពីឃើញ ចំប៉ីខ្មី សន្យារឿងនេះហើយលោកជំទាវ ហ៊ុន ស៊ីណាត មានប្រសាសន៍ទៀតថា « ចា៎ចំប៉ីខ្មៅ ក្មួយអ៊ំបានសួរទៅក្រសួងវប្បធម៌ គេមាននាយកដ្ឋានពិន័យ និងលើកទឹកចិត្ត អញ្ចឹងរឿងទាំងអស់ដែលកើតឡើងក្រសួងវប្បធម៌ត្រូវហៅអ្នកទាំងនោះទៅអប់រំ បើក្មួយលើកឡើងគេថាក្មួយមានគុំនំ ក្មួយរៀនចេះដឹងត្រូវបើកចិត្តឱ្យទូលាយអហោសិកម្មទៅទើបល្អ ទុករឿងនេះឱ្យក្រសួងគេដោះស្រាយទៅណាក្មួយវាប្រសើជាង»៕