Song Hye Kyo បង្កឱ្យមានមតិវែកញែកជុំវិញការស្រកទម្ងន់១៧គីឡូក្រាម

ស្ថិតក្នុងវ័យ ៤៤ ឆ្នាំតារាសម្តែង Song Hye Kyo នៅតែបន្តទទួលបានការចាប់អារម្មណ៍ពីសាធារណជនដោយសាររូបរាងស្លីមនិង កាន់តែស្រស់ស្អាតឡើងៗ។ ពីមុនតារាសម្តែងរូបនេះបានស្រកទម្ងន់រហូតដល់ ១៧ គីឡូក្រាមតាមរយៈរបបអាហារ និងការហាត់ប្រាណហើយរូបថតប្រចាំថ្ងៃមួយចំនួនថ្មីៗនេះបង្ហាញថា Song Hye Kyo មើលទៅស្គមណាស់បានបង្កឱ្យមានការជជែកវែកញែកជាច្រើនផងដែរ។

នៅក្នុងរូបថតជាបន្តបន្ទាប់ដែលត្រូវបានចែករំលែកនៅលើបណ្តាញសង្គម Song Hye Kyo បានបង្ហាញខ្លួនដោយស្លៀកអាវក្រៅពណ៌ស ខោខូវប៊យ ជាមួយនឹងសក់របស់នាងចុះក្រោមដោយធម្មជាតិ និងស្ទើរតែមិនបានតុបតែងមុខអ្វីទាំងអស់។ រូបថតដែលមិនបានកែសម្រួល បានទាក់ទាញចំណាប់អារម្មណ៍ទៅលើរាងកាយរបស់តួឯកស្រីរូបនេះពី ស្មាលេចធ្លោ និងឆ្អឹងកញ្ចឹងកដែលបានកំណត់យ៉ាងច្បាស់លាស់។ ក្រៅពីការសរសើរលើរាងស្លីមរបស់នាង មតិមួយចំនួនបានបង្ហាញថាជើងរបស់ Song Hye Kyo មើលទៅស្គមណាស់។

ភាពខុសគ្នារវាងរាងស្លីមរបស់នាង និងមុខដែលនៅតែពេញ និងតឹងណែនរបស់នាង នៅតែបន្តធ្វើឱ្យរូបរាងរបស់នាងក្លាយជាប្រធានបទនៃការពិភាក្សានៅលើបណ្តាញសង្គម។
តាមពិតទៅ ១៧ គីឡូក្រាមដែលបានរៀបរាប់ខាងលើមិនមែនជាទម្ងន់ដែល Song Hye Kyo បានស្រកថ្មីៗនេះទេ។ តារាសម្តែងរូបនេះធ្លាប់បានចែករំលែកអំពីដំណើរសម្រកទម្ងន់របស់នាងដើម្បីត្រៀមខ្លួនសម្រាប់អាជីពសម្តែងជាពិសេសក្នុងអំឡុងពេលត្រៀមខ្លួនសម្រាប់តួនាទីនៅក្នុងរឿងភាគ «The Glory»។ Song Hye Kyo បាននិយាយថា ការផ្លាស់ប្តូររូបរាងរបស់នាងបានជួយតួអង្គនេះឱ្យបង្ហាញពីភាពតក់ស្លុត និងការលំបាកដែលនាងបានស៊ូទ្រាំអស់រយៈពេលជាច្រើនឆ្នាំបានកាន់តែប្រសើរឡើង។ រូបរាងរបស់ Song Hye Kyo ក៏ប្រែប្រួលអាស្រ័យលើពេលវេលា និងឱកាសផងដែរ។ នៅក្នុងរូបថតប្រចាំថ្ងៃ នាងតែងតែបង្ហាញរាងស្លីមរបស់នៅពេលស្លៀកសម្លៀកបំពាក់សាមញ្ញៗ។ ទន្ទឹមនឹងនេះ នៅលើកំរាលព្រំក្រហម ជម្រើសនៃសម្លៀកបំពាក់ ស្ទីលម៉ូដសក់ និងការតុបតែងមុខអាចជួយឱ្យតារាសម្តែងស្រីមើលទៅពេញខ្លួន និងមានតុល្យភាពជាងមុន។

ក្នុងវ័យ ៤៤ ឆ្នាំ វាជារឿងធម្មតាទេដែលរាងកាយរបស់ Song Hye Kyo ប្រែប្រួលតាមពេលវេលា។ លើសពីនេះ រូបភាពដែលថតដោយកាមេរ៉ាអាចរងផលប៉ះពាល់ដោយមុំ ពន្លឺ សម្លៀកបំពាក់ និងការឈរថត។ បើទោះបីជាមានភាពចម្រូងចម្រាសក៏ដោយក៏មិនអាចប្រកែកបានថា Song Hye Kyo នៅតែរក្សាបាននូវភាពទាក់ទាញពិសេសមួយបន្ទាប់ពីបានប្រឡូកក្នុងវិស័យសិល្បៈអស់រយៈពេលជាច្រើនឆ្នាំ។

ចាប់ពីតួឯកស្រីដ៏សុភាពរាបសារក្នុងរឿង «ម្ចាស់ព្រះអាទិត្យ (Descendants of the Sun)» រហូតដល់រូបរាងដ៏មុតស្រួច និងចាស់ទុំក្នុងរឿង «The Glory» Song Hye Kyo បានផ្លាស់ប្តូររូបរាងរបស់ខ្លួនជាបន្តបន្ទាប់ដើម្បីឱ្យសមនឹងតួនាទី និងដំណាក់កាលនីមួយៗនៃអាជីព។ ការរក្សារាងរបស់នាងនៅតែជាជម្រើសផ្ទាល់ខ្លួនសម្រាប់តារាស្រីរូបនេះ៕