បើអ្នកចង់ឱ្យសាច់ដុំលូតលាស់ និង រឹងមាំល្អ ត្រឹមការហាត់ប្រាណមិនទាន់គ្រប់គ្រាន់ទាំងស្រុងនោះទេ យើងត្រូវការរបបអាហារចូលរួមផងដែរ ពិសេសរបបអាហារដែលសម្បូរសារជាតិចិញ្ចឹមដូចជាពពួកប្រូតេអ៊ីន និងវីតាមីនតែម្ដង។ ដូច្នេះហើយខាងក្រោមនេះគឺជាអាហារបំប៉នសាច់ដុំទាំង ៦ ដែលអ្នកស្រលាញ់ការហាត់ប្រាណមិនគួររំលង៖
១.ផ្កាខាត់ណាខៀវ៖ ផ្កាខាត់ណាខៀវត្រូវបានចាត់ថ្នាក់ជាបន្លែដែលស្ទើរតែគ្មានកាឡូរីទាល់តែសោះ ហើយវាក៏ជាបន្លែដែលសម្បូរទៅដោយវីតាមីនខ្ពស់ណាស់ដូចជាសារធាតុប្រូតេអ៊ីន និងកាបូអ៊ីដ្រាត ដែលអាចប្រើដើម្បីពង្រឹងសាច់ដុំ។
២.ស្ពៃតឿ៖ ស្ពៃតឿគឺជាបន្លែត្រជាក់ដែលមានផ្ទុកនូវសារធាតុរ៉ែសំខាន់ៗជាច្រើនសម្រាប់រាងកាយដូចជា ប៉ូតាស្យូម កាល់ស្យូម ផូស្វ័រ ជាតិដែក វីតាមីន B និងវីតាមីន C ជាដើម ដែលវាជួយបង្កើនសាច់ដុំបានល្អ។
៣.ដំឡូងជ្វា៖ ដំឡូងជ្វាគឺជាប្រភពនៃសារធាតុចិញ្ចឹមដែលល្អសម្រាប់រាងកាយ ដោយសារតែវាមានផ្ទុកនូវប្រូតេអ៊ីន កាបូអ៊ីដ្រាត បេតាការ៉ូទីន ផូស្វ័រ កាល់ស្យូម វីតាមីន C និងវីតាមីនផ្សេងៗទៀត។ លើសពីនេះ ដំឡូងជ្វាក៏ត្រូវបានគេចាត់ទុកថាជាអាហារដ៏ល្អសម្រាប់អ្នកដែលចង់ សម្រកទម្ងន់ និងចង់ឡើងសាច់ដុំផងដែរ។
៤.ផ្លែប៉ោម៖ ផ្លែប៉ោមគឺជាអាហារមួយប្រភេទដែលពូកែខាងជួយកសាងសាច់ដុំសម្រាប់រាងកាយបានយ៉ាងល្អ ដោយសារតែវាសម្បូរទៅដោយសារធាតុចិញ្ចឹមសំខាន់ៗដូចជា បេតាការ៉ូទីន កាបូអ៊ីដ្រាត និង quercetin ដែលជាសារធាតុជួយកាត់បន្ថយការរលាកសាច់ដុំផងដែរ។
៥.ផ្លែចេក៖ ផ្លែចេកសម្បូរទៅដោយប្រូតេអ៊ីន កាបូអ៊ីដ្រាត ជាតិដែក ផូស្វ័រ ម៉ាញេស្យូម និងវីតាមីន A ដែលវាជួយឱ្យសាច់ដុំងើបឡើងវិញលឿន និងជួយឱ្យរាងកាយមានថាមពលកាន់តែច្រើនផងដែរ។
៦.ផ្លែឈឺរី៖ ផ្លែឈឺរីសម្បូរទៅដោយប្រូតេអ៊ីន បេតាការ៉ូទីន កាបូអ៊ីដ្រាត និងវីតាមីនផ្សេងៗទៀត។ ការបរិភោគផ្លែ cherries ជួយបង្កើនកម្លាំងសាច់ដុំ កាត់បន្ថយភាពអស់កម្លាំង និងជួយបំបាត់ការឈឺសាច់ដុំចំពោះអ្នកដែលហាត់ប្រាណខ្លាំងៗផងដែរ៕ ប្រភព៖sanook