បន្ទាប់ពីទទួលទានអាហាររួច សូមកុំធ្វើរឿងទាំងនេះភ្លាមៗអី ព្រោះវាអាចនឹងបង្ករឱ្យឡើងអាស៊ីត ចុកពោះ ហើមពោះ ឬក្អួតចង្អោរជាដើម។ លើសពីនេះ ក៏មានបញ្ហាសុខភាពធ្ងន់ធ្ងរជាច្រើនទៀតដែលអ្នកមិនគួរធ្វើ បន្ទាប់ពីញ៉ាំអាហាររួចភ្លាមៗ ដែលចំណុចទាំងនោះមានដូចជា៖
១.កុំជក់បារី៖ ការជក់បារីភ្លាមៗបន្ទាប់ពីអាហាររួច អាចបង្កជាជំងឺផ្សេងៗដូចជាជំងឺស្ទះសួត និងមហារីកយ៉ាងឆាប់រហ័ស ដែលការជក់បារីបន្ទាប់ពីអាហាររួចគឺស្មើនឹងការជក់បារីធម្មតាចំនួនដប់ដើមឯណោះ។
២.កុំផឹកទឹកដែលមានជាតិហ្គាស៖ ការផឹកទឹកដែលមានជាតិហ្គាសភ្លាមៗបន្ទាប់ពីអាហាររួច អាចបណ្តាលឱ្យមានការរំខានយ៉ាងខ្លាំងដល់ការរំលាយអាហារ នឹងធ្វើឱ្យហើមពោះ ទល់លាមក និងមានឧស្ម័នក្នុងក្រពះជាដើម។
៣.កុំផឹកទឹកតែ៖ ការផឹកតែភ្លាមៗបន្ទាប់ពីអាហាររួច នឹងនាំឱ្យក្រពះស្រូបយកអាហារតិច ធ្វើឱ្យប្រព័ន្ធរំលាយអាហារដំណើរការខុសប្រក្រតី ដែលនឹងបណ្តាលឱ្យទល់លាមក។ យល់ល្អគួរតែផឹកទឹកតែក្រោយពេលបាយ ១-២ ម៉ោង។
៤.កុំបរិភោគច្រើនពេក៖ ការបរិភោគច្រើនពេករហូតទាល់តែបន្ធូរឡេវខោ អាចធ្វើឱ្យឈឺក្រពះ ចុកពោះ ហើមពោះ និងបណ្តាលឱ្យធាត់បានយ៉ាងលឿន។
៥.កុំគេង៖ ការគេងភ្លាមៗបន្ទាប់ពីអាហាររួច អាចបង្កជាខ្យល់ ឬឧស្ម័ននៅក្នុងក្រពះពោះវៀន ដែលបណ្តាលឱ្យហើមពោះ ឬបណ្តាលឱ្យមានការចាល់អាស៊ីតផងដែរ។
៦.កុំហាត់ប្រាណ៖ ការហាត់ប្រាណភ្លាមៗបន្ទាប់ពីអាហាររួច អាចធ្វើឱ្យចង្វាក់បេះដូងលោតញាប់ សីតុណ្ហភាពរាងកាយខ្ពស់ រន្ធញើសរីកធំ និងដាច់សរសៃឈាមបេះដូង ឬខួរក្បាលជាដើម។
៧.កុំងូតទឹក៖ ការងូតទឹកភ្លាមៗបន្ទាប់ពីអាហាររួច អាចធ្វើឱ្យការរំលាយអាហារថយចុះ ពោះវៀនកាន់តែខ្សោយ នាំឱ្យទល់លាមក និងមានបញ្ហាក្រពះផ្សេងៗទៀត៕ ប្រភព៖sanook
