បច្ចុប្បន្ននេះសុខភាពរបស់រាងកាយយើងពិតជាមានសារៈសំខាន់ណាស់ជាពិសេសគឺស្បូន។ “ស្បូន” ត្រូវបានគេចាត់ទុកថាជាសរីរាង្គដ៏សំខាន់មួយរបស់ស្ត្រី ដូច្នេះហើយយើងមិនគួរមើលរំលងនៃការថែរក្សាស្បូនឱ្យមានសុខភាពល្អនោះទេ។ ខាងក្រោមនេះគឺជាអាថ៌កំបាំងនៃការថែរក្សាស្បូនឱ្យមានសុខភាពល្អ៖
១.ថែរក្សាសុខភាពរាងកាយរបស់អ្នក៖ ស្បូនគឺជាសរីរាង្គមួយនៅក្នុងខ្លួន ប្រសិនបើរាងកាយរឹងមាំ ឈាមនឹងដំណើរការល្អ ធ្វើឱ្យស្បូនរឹងមាំ។ ការថែរក្សាសុខភាពរាងកាយរបស់អ្នក ដូចជារក្សាទម្ងន់ឱ្យស្ថិតក្នុងកម្រិតស្តង់ដារ មិនស្តើងពេក ឬធាត់ពេក គេងឱ្យបានគ្រប់គ្រាន់ ទទួលទានផ្លែឈើ និងបន្លែ ផឹកទឹកស្អាត ៨ កែវក្នុងមួយថ្ងៃ ហើយចៀសវាងការផឹកស្រា និងជក់បារី។
២.ថែរក្សាសុខភាពផ្លូវចិត្ត៖ ភាពតានតឹងធ្វើឱ្យស្បូនមិនប្រក្រតី ដោយសារតែប្រព័ន្ធអ័រម៉ូនមិនប្រក្រតី ការមករដូវគឺមិនទៀងទាត់ទេ។ មានវិធីជាច្រើនដើម្បីកាត់បន្ថយភាពតានតឹង ដូចជាការរៀនស្ងប់ស្ងាត់ សមាធិ គិតវិជ្ជមាន ពេញចិត្តនឹងអ្វីដែលអ្នកមាន អត់ទោសឱ្យអ្នកដទៃ មានគោលដៅក្នុងជីវិត។
៣.ធ្វើលំហាត់ប្រាណឱ្យបានទៀងទាត់៖ អ្នកគួរតែហាត់ប្រាណឱ្យបានទៀងទាត់ ដូចជា ជិះកង់ ហែលទឹក រត់ ហាត់ប្រាណ ហាត់យូហ្គា ជាដើម យ៉ាងហោចណាស់ ៤ថ្ងៃក្នុងមួយសប្តាហ៍ ប្រហែលកន្លះម៉ោងរៀងរាល់ពេល។ ព្រោះវាអាចធ្វើឱ្យភាពស៊ាំល្អ សាច់ដុំបេះដូង និងសួតរឹងមាំ បូមឈាមទៅផ្នែកផ្សេងៗ នៃរាងកាយបានយ៉ាងល្អ និងជួយការពារជំងឺរលាកស្បូន។
៤.កុំលើករបស់ធ្ងន់៖ ការលើករបស់ធ្ងន់ធ្វើឱ្យស្បូនចុះក្រោម បើអ្នកត្រូវលើកវត្ថុធ្ងន់ៗ អ្នកគួរបត់ជើងតូចជាមុនសិន។
៥. មិនត្រូវញ៉ាំឱសថឬអាហារបំប៉នអ័រម៉ូនជាប្រចាំនោះទេ៖ ការលេបថ្នាំអរម៉ូន អាចបង្កើនការរលាកនៃស្បូន ធ្វើឱ្យស្បូនរីកធំ និងមហារីកស្បូន ដែលសុទ្ធតែជាមូលហេតុនៃស្បូនមិនល្អ អាចបណ្តាលឱ្យអសមត្ថភាពក្នុងការមានកូនជាដើម។
៦.ប្រយ័ត្នឆ្លងមេរោគ៖ ដោយសារតែស្បូនគឺជាសរីរាង្គខាងក្នុងរបស់ស្ត្រីដែលងាយនឹងរងគ្រោះ ដូច្នេះអ្នកមិនគួរគេងជាមួយដៃគូរច្រើនពេកទេ។ ព្រោះវាអាចបណ្តាលឱ្យហូរទឹករំអិលទ្វារមាស ឈឺអាងត្រគាក គ្រុនក្តៅ រលាកស្បូន ឈឺចាប់ក្នុងស្បូន មិនមានផ្ទៃពោះ ឬមានកូនក្រៅស្បូនជាដើម៕ ប្រភព៖sanook
