ការពិត ៣ យ៉ាងអំពីបញ្ញាសិប្បនិម្មិត AI ដែលអ្នកប្រហែលជាមិនដឹង

សព្វថ្ងៃនេះប្រជាប្រិយភាពនៃបញ្ញាសិប្បនិម្មិត AI នៅក្នុងជីវិតប្រចាំថ្ងៃរបស់យើងបានកើនឡើងយ៉ាងខ្លាំងទាំងនៅក្នុងទូរស័ព្ទ សុវត្ថិភាពតាមអ៊ីនធឺណិត និងរថយន្តជាដើម…។ ដូច្នេះហើយខាងក្រោមនេះគឺជាការពិតគួរឱ្យចាប់អារម្មណ៍មួយចំនួនដែលអ្នកប្រហែលជាមិនបានដឹងអំពីបញ្ញាសិប្បនិម្មិត AI ។

១. AI ត្រូវបានបង្កើតឡើងដំបូងគេបង្អស់ក្នុងទសវត្សរ៍ឆ្នាំ ១៦០០៖
យោងតាមអ្នកស្រាវជ្រាវបុរាណវិទ្យារបស់អាមេរិក បានឱ្យដឹងថា កាលពីចុងសតវត្សទី ១៧ ជនជាតិក្រិចបុរាណបានសរសេរអំពី “មនុស្សយន្តឆ្លាតវៃ” នៅក្នុងទេវកថាសាសនារបស់ពួកគេ បញ្ញាសិប្បនិម្មិតនេះត្រូវបានបង្កើតគំនិតដំបូងដោយលោក Gottfried Wilhelm Leibniz ដែលជាគណិតវិទូ និងទស្សនវិទូជនជាតិអាឡឺម៉ង់ ។

២.ពាក្យ “Artificial Intelligence” ត្រូវបានបង្កើតឡើងក្នុងឆ្នាំ ១៩៥៦៖
Artificial Intelligence មានន័យថាបញ្ញាសប្បនិម្មិតដែលពាក្យនេះត្រូវបានបង្កើតជាផ្លូវការក្នុងឆ្នាំ ១៩៥៦ នៅក្នុងសន្និសីទមួយនៃមហាវិទ្យាល័យ Dartmouth ទីក្រុង Hanover រដ្ឋ New Hampshire ។

៣. AI ត្រូវបានរកឃើញនៅគ្រប់ទីកន្លែងនាពេលបច្ចុប្បន្ននេះ៖
AI ក៏កំពុងត្រូវបានគេដាក់ពង្រាយនៅក្នុងឧស្សាហកម្មផលិត អប់រំ និងថែទាំសុខភាព។ អ្នកក៏អាចរកឃើញវត្តមាននៃបញ្ញាសិប្បនិម្មិត AI នៅក្នុងរថយន្តអគ្គិសនីដ៏ពេញនិយម Tesla, Google Assistant, Siri, Bixby, Cortana ឬ Alexa ជាដើម…៕

ប្រភព៖cafefe.com