យុវតី ហួត គឹមហុង ដែលកំពុងសិក្សានៅអាមេរិក និងជាអតីតកីឡាការិនីជម្រើសជាតិកម្ពុជា ត្រូវបានកោះហៅ ត្រឡប់មកជួយក្រុមជម្រើសជាតិកម្ពុជាវិញ នៅក្នុងព្រឹត្តិការណ៍សុីហ្គេមលើកទី៣២។
ហួត គីមហុង ធ្លាប់ជាកីឡាការិនីឆ្នើមរបស់ក្លិបបាល់ទាត់ភ្នំពេញក្រោន និងជាប់ជម្រើសជាតិនារីកម្ពុជា និងស៊ុតបញ្ចូលទី៦គ្រាប់ម្នាក់ឯង ពេលឈ្នះទីម័រខាងកើត ១២-០ ក្នុងព្រឹត្តិការណ៍ AFF Women’s Championship 2018។
ក្នុងអំឡុងពេល សិក្សានៅសាលាBryant and Stratton college យុវតី ហួត គឹមហុង ក៏បានក្លាយជាកីឡាការិនីឆ្នើមម្នាក់ក្នុងសាលានេះដែរ។
សូមជម្រាបផងដែរថា ក្រុមបាល់ទាត់ជម្រើសជាតិនារី នឹងត្រូវប្រកួតបើកឆាក ប៉ះឡាវ ថ្ងៃទី៣ ខែឧសភាឆ្នាំ២០២៣ នៅកីឡដ្ឋាន ស្មាត អ អេស អិន វេលាម៉ោង ៨:០០នាទីយប់ ក្នុងរាជធានីភ្នំពេញ ពោលគឺបន្ទាប់ពីចប់ការប្រកួតរវាង ថៃ ប៉ះ សិង្ហបុរី វេលាម៉ោង ៤:០០នាទីរសៀល៕